Qonaev qalalyq kópsalaly aýrýhana mamandary Almaty qalasy, Almaty jáne Jetisý oblystary boıynsha QAJD №12 mekemesindegi sottalǵandardy medısınalyq tekserýden ótkizdi.
Jazasyn ótep jatqan er azamattardy tekserýdi tájirıbeli jáne bilikti dáriger-mamandar júzege asyrdy, dep habarlaıdy Almaty-akshamy.kz Polisia.kz-ke silteme jasap.
Sonymen qatar Almaty oblysynyń densaýlyq saqtaý basqarmasy jyljymaly dıagnostıkalyq medısınalyq keshen usyndy. Onda sottalǵandarǵa últradybystyq zertteýler men keýde qýysynyń organdaryn tekserý júrgizildi. Tekserý kezinde olarǵa ártúrli dıagnozdar qoıylyp, medısınalyq usynystar taǵaıyndaldy, al keıbireýleri ári qaraı tıisti josparly emdeý úshin dıspanserlik esepke alyndy.
«Mundaı is-sharalar aýrýlardy ýaqytyly anyqtaý jáne olardy emdeý boıynsha jumysty jeńildetedi. Barlyǵy 200-ge jýyq sottalǵan tekserýden ótti. Jazasyn óteýshilerdi medısınalyq tekserý jumystary aldaǵy ýaqytta da jalǵasyn tabatyn bolady», – dep atap ótti QAJD bastyǵynyń orynbasary Erlan Uzaqov.