“Kelimsek” JAİ-nyń segiz kúninde kóshi-qon zańnamasyn buzǵany úshin 1 590 kóshi-qon zańnamasyn buzýshy ákimshilik jaýapkershilikke tartyldy,
Almaty polısıasy 77 zańsyz kelimsekti Qazaqstannan shyǵardy, – dep habarlaıdy Almaty-akshamy.kz. Polisia.kz. saıtyna silteme jasap. Shahardyń kóshi-qon qyzmeti habarlaǵandaı, quqyqbuzýshylar sot sheshimimen elden ketti.
– “Kelimsek” JAİ-nyń segiz kúninde kóshi-qon zańnamasyn buzǵany úshin 1 590 kóshi-qon zańnamasyn buzýshy ákimshilik jaýapkershilikke tartyldy, onyń 1 105-i sheteldikter. 77 sheteldik Qazaqstan Respýblıkasynan shyǵaryldy, onyń jeteýi azamattyq is júrgizý tártibimen. Sonymen qatar sheteldikterdiń Qazaqstan Respýblıkasynda bolý zańdylyǵyn qamtamasyz etý jónindegi sharalardy qabyldamaǵany úshin 434 qabyldaýshy tulǵa jaýapkershilikke tartyldy, 51 jumys berýshige Qazaqstan Respýblıkasynda sheteldik jumys kúshin tartý erejelerin buzǵany úshin aıyppul salyndy. Sondaı-aq zańsyz kóshi-qon arnasyn uıymdastyrýdyń úsh faktisi anyqtaldy jáne tirkeldi, – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.