Jyl basynan beri 90-nan astam qylmys oblys aýmaǵynda qyzmettik-izdestirý ıtteriniń kómegimen ashyldy.
Qyzmettik-izdestirý ıtteri polısıa jumysynda erekshe mańyzǵa ıe. Olar qylmystardy ashý, jarylǵysh zattardy, esirtkini jáne basqa maqsattardy izdeý úshin qoldanylady.
"Jyl basynan beri tórt aıaqty kómekshiler 363 ret oqıǵa ornyna shyqqan, 91 qylmysty ashýǵa qatysqan. Qyzmettik-izdestirý ıtteri arqyly ashylǵan qylmystardyń kópshiligi urlyq bolyp tabylady. Jedel-izdestirý is-sharalary barysynda esirtki zattardyń zańsyz aınalymyna baılanysty – 12 fakt anyqtalǵan, onyń 5-i esirtki qylmysy", – dedi Almaty oblysy PD KQO bastyǵy Erlan Mýsapırov.
Kásibı deńgeıin arttyrý maqsatynda kınolog-ınspektorlar turaqty negizde arnaıy oqytý jáne qaıta daıarlaý kýrstarynan ótedi. Qyzmettik ıtterdi qoldaný polısıanyń kúndelikti jumysynyń ajyramas bóligi. Tájirıbe kórsetkendeı, olar qylmyspen kúresýge jáne azamattardyń zańdy quqyqtaryn saqtaýǵa aıtarlyqtaı úles qosady.