Bul sheshim gıdrometeorologıalyq jaǵdaıǵa jáne el aýmaǵyndaǵy sýqoımalardyń muzdan tolyqtaı tazartylýyna baılanysty qabyldandy
Osy rette Kólik mınıstrligi Temirjol jáne sý kóligi komıtetine qarasty «Qazaqstan sý joldary» RMQK júk kemeleriniń qozǵalysy bastalatyny týraly málimdeıdi, Almaty-akshamy.kz Kólik mınıstrligine silteme jasap.
Osylaısha, joǵarǵy Ertis sý baseıninde kemeler 1 mamyrdan bastap júre bastasa, Semeı fılıalynda 25 sáýirden bastap, Pavlodar fılıalynda 23 sáýirden, Oral-Kaspıı sý baseıninde 1 sáýirden, İle-Balqash sý baseıninde 1 sáýirden jáne «Gıdrotehnıkalyq qurylystar» fılıalynda 5 mamyrdan bastap qozǵalys bastalyp ketti.
Óz kezeginde «Qazaqstan sý joldary» RMQK otandyq kemelerdiń qaýipsiz júzýin qamtamasyz etý maqsatynda tıisti jumystardy júrgizdi. Atap aıtqanda, 1855 qalqymaly jáne 771 jaǵalaýdaǵy navıgasıalyq belgi ornatyldy.
Elimizdegi jalpy paıdalanýdaǵy sý joldarynyń uzyndyǵy 2104 shaqyrymdy quraıdy. Qazaqstan boıynsha barlyǵy 795 ózen kóligi jáne 19 myń shaǵyn kólemdi keme tirkelgen.
Aıta keterligi, sý obektilerindegi navıgasıalyq kezeń – bul gıdrologıalyq jaǵdaılardy eskere kele, sý joldarynyń muzdan tolyq tazartylýy ári sýqoımalardy qozǵalys úshin paıdalanýǵa bolatyn ýaqyt aralyǵy. Sý kóligindegi navıgasıalyq kezeń tabıǵı-klımattyq jaǵdaılarǵa jáne sý joldarynyń gıdrologıalyq rejımimen tyǵyz baılanysty.