Almaty oblysynda qosalqy merdigerge joldaǵy qaýipsizdikti saqtamaǵany úshin aıyppul salyndy.
9 qarashada merdigerlik uıym Shelek aýylyndaǵy káriz jelilerin qaıta jańartý ýchaskesinde jol-kólik oqıǵasy boldy. Toyota Camry kóligin basqarǵan júrgizýshi áıel jol boıynda qajetti eskertý belgilerinsiz qalǵan topyraq pen úıindi túrindegi kedergige soǵylyp qaldy, dep habarlaıdy aqshamnews.kz Polisia.kz-ke silteme jasap.
Oqıǵa saldarynan zardap shekken júrgizýshi aýdandyq aýrýhanaǵa jatqyzyldy. Eńbekshiqazaq aýdanynyń polıseılerimen qajetti qaýipsizdik sharalaryn saqtamaǵan jáne jolda eskertý belgilerinsiz kedergi qaldyrǵan qosalqy merdiger anyqtaldy. Joldarda jumys júrgizý jónindegi talaptardy oryndamaǵany úshin qosalqy merdiger uıym aıyppul sanksıalarymen qoldanystaǵy zańnamaǵa sáıkes jaýapkershilikke tartyldy.
Jyl basynan beri avtojoldarǵa 2027 zertteý júrgizildi, olardyń árqaısysynyń qorytyndysy boıynsha tıisti nusqamalar shyǵaryldy. Jol-kommýnaldyq uıymdardyń 281 laýazymdy tulǵasy avtojoldardy, jol qozǵalysyn uıymdastyrýdyń tehnıkalyq quraldaryn jáne ınjenerlik qurylystardy tıisinshe ustamaǵany úshin ákimshilik jaýapkershilikke tartyldy. Buryn jiberilgen nusqamalardyń talaptaryn oryndamaǵany úshin 29 jaýapty tulǵaǵa qatysty materıaldar tıisti sharalar qabyldaý úshin sotqa jiberildi.