«Arhıv – 2025» keshendi jospary aıasynda shet el arhıvterinen Qazaqstannyń tarıhy men mádenıetine qatysty tarıhı qujat jınaqtaý maqsatynda QR Ortalyq memlekettik kınofotoqujattar men dybys jazbalar arhıviniń delegasıasy Mońǵolıanyń Ulan-Batyr qalasyna issaparmen bardy, dep habarlaıdy aqshamnews.kz.
Mádenıet jáne aqparat mınıstrliginiń baspasóz qyzmetiniń málimetinshe, ǵylymı-zertteý jumystary barysynda Mońǵolıa Ulttyq arhıvinen Qazaqstanǵa qatysty qujattar anyqtalyp, 90 fotoqujat jáne jalpy uzaqtyǵy 92 mınýttyq kınoqujattyń kóshirmesi alyndy.
Kınoqujatta Baıan-Ólgeı aımaǵynyń on jáne jıyrma jyldyǵyna arnalǵan beınequjattary, qazaqstandyq delegasıanyń jergilikti qazaqtardyń tynys-tirshiligimen tanysýy týraly derekter bar. Al fotoqujattarda Baıan-Ólgeı aımaǵyndaǵy qazaq halqynyń turmysy, jergilikti teatr ártisteriniń qoıylymdary, ár jyldary Mońǵolıa eline saparlaǵan qazaqstandyq ókilder beınelengen.