Qaskeleńde Qazaqstandaǵy alǵashqy Kreatıvti ındýstrıa saıabaǵy saltanatty túrde ashyldy. Bul park Energo University bazasynda jumys isteıtin bolady, dep habarlaıdy aqshamnews.kz
Joba Qazaqstan Respýblıkasy Mádenıet jáne aqparat mınıstrliginiń qoldaýymen júzege asty. İs-sharaǵa Almaty oblysynyń basshylyǵy, QR Májilisiniń depýtattary, bıznes qaýymdastyǵy men kreatıvti ındýstrıa ókilderi qatysty.
Kreatıvti saıabaq 12 gektar aýmaqty qamtıdy. Terıtorıada jaıly saıabaq zonasy, sporttyq jáne taqyryptyq alańdar ornalasqan.
Ashylý kúninde kınoındýstrıa forýmy ótti, oǵan Nú-Iork kınoakademıasynyń prezıdenti Maıkl Iang jáne basqa da top-menedjerler qatysty. Saıabaqta álemge áıgili akademıamen birlesip, Kreatıvti ındýstrıa mektebin ashý josparlanyp otyr. Onda kıno, medıa, dızaın, anımasıa, oıyn jasaýshy, jasandy ıntellekt jáne jasyl tehnologıa salasy boıynsha mamandar daıarlanady.