Qazirgi ýaqytta prosesýaldyq sheshim qabyldaý úshin birqatar saraptamalar taǵaıyndaldy.
Almaty oblysy PD esirtki qylmysyna qarsy is-qımyl basqarmasynyń qyzmetkerleri Eńbekshiqazaq aýdany PB ýchaskelik polısıa ınspektorlarymen birlesip, Bólek aýylynyń aýmaǵynda jedel-izdestirý is-sharalaryn júrgizý kezinde sıntetıkalyq esirtki quraldaryn óndirgen zerthanany anyqtady, dep habarlaıdy Almaty-akshamy.kz
«6 naýryzda arnaıy operasıa júrgizý kezinde Qaraǵandy oblysynyń týmasy, 29 jastaǵy kúdikti ustaldy. Tintý barysynda úı aýmaǵynan shyny kolbalar túrindegi jabdyqtar, krıstaldy nysandaǵy aq tústi zattary bar naýalar jáne prekýrsorlary bar 15 kanıstr tabyldy jáne tárkilendi. Atalǵan derek QR QK-niń 297-babynyń 3-bóliginiń belgileri boıynsha Eńbekshiqazaq aýdany polısıa basqarmasynyń SDTBT-da tirkeldi. Kúdikti ýaqytsha ustaý ızolátoryna qamaqqa alyndy», – dep habarlady Almaty oblysy PD bastyǵy Baýyrjan Álenov.
Sondaı-aq polısıa ustalǵan adamnyń 2022 jyldyń jeltoqsan aıynyń basynda Telegram arnasynda esirtki óndirýmen baılanysty jumys usynǵan belgisiz adammen tanysqanyn atap ótti. Atalǵan usynysqa kelisip, 2022 jyldyń jeltoqsan aıynyń sońynda Almaty oblysynyń aýmaǵyna kelgen. 2023 jyldyń qańtarynan bastap ol Bólek aýylyna qonystanyp, óziniń zańsyz qyzmetin júzege asyrǵan.