Bas prokýratýra men İshki ister mınıstrliginiń qyzmetkerleri Qazaqstannyń Polshadaǵy Elshiliginiń kómegimen Polsha Respýblıkasynan transulttyq uıymdasqan topty qurý jáne basqarý úshin qylmystyq jaýapkershilikke tartý maqsatynda Ýkraına azamatyn ekstradısıalady.
Ol 2022 jyly qurǵan qylmystyq top Qazaqstan aýmaǵynda asa iri kólemde psıhotroptyq zattardy óndirýmen jáne satýmen aınalysqan, dep habarlaıdy Almaty-akshamy.kz QR Bas prokýratýrasyna silteme jasap.
Tárkilengen zańsyz zattardyń kólemi 1 tonnadan astam, al olardyń zańsyz aınalymdaǵy jalpy quny 1,5 mlrd teńgeni quraıdy.
Kórsetilgen qylmystardy jasaǵannan keıin uıymdasqan top músheleri quryqtaldy, al onyń jetekshisi jasyrynyp, oǵan halyqaralyq izdestirý jarıalanǵan.
2023 jyldyń tamyz aıynda kúdikti Polshanyń aýmaǵynda ustaldy.
Qazaqstan Respýblıkasy Bas prokýratýrasynyń suraýy boıynsha ol ekstradısıalanyp, qazirgi ýaqytta Astana qalasynyń tergeý ızolátoryna qamaldy.
Aıyptalǵan qylmystardy jasaǵany úshin múlki tárkilenip, on bes jyldan jıyrma jylǵa deıingi merzimge bas bostandyǵynan aıyrý ne ómir boıyna bas bostandyǵynan aıyrý túrindegi jaza kózdelgen.