Almaty oblysynda Qaskeleń ózeninde otbasymen demalyp júrgen 11 jasar bala abaısyzda sýǵa qulap, ony aǵys alyp ketken, dep habarlaıdy Almaty-akshamy.kz Inform.kz-ke silteme jasap.
Balanyń týystary ony izdeýge kómekteskisi keletinderden, eriktilerden járdem surap otyr.
«Álı otbasymen birge ózen jaǵasynda demaldy. Bala ózen jaǵasynda sýretke túskisi kelip, kenetten sýǵa qulap ketken. Anasy ulyn qutqarýǵa tyrysty, biraq odan túk shyqpady», - delingen Instagram jazbasynda.
Almaty oblysy tótenshe jaǵdaılar departamentiniń habarlaýynsha, Qarasaı aýdanyna qarasty Qaskeleń shatqalyndaǵy Qaskeleń ózenine balanyń qulap ketkeni týraly habarlama 18 tamyz kúni saǵat 14:40-ta túsken.
«Oqıǵa ornyna Qarasaı aýdany tótenshe jaǵdaılar bólimi jáne Qaskeleń qalasy órt sóndirý bóliminiń qyzmetkerleri – 8 qyzmetker men 2 tehnıka, Respýblıkalyq jedel-qutqarý jasaǵynyń Almatydaǵy jeke quramy – 8 qutqarýshy men bir tehnıka jiberildi», - dep naqtylady tótenshe jaǵdaılar departamentiniń baspasóz qyzmetinen.
Sondaı-aq izdeý jumysyna 80-ge jýyq adam jumyldyrylǵan.
Onyń arasynda polısıa qyzmetkerleri, balanyń týystary, jergilikti turǵyndar men eriktiler bar. Qazirgi ýaqytta jumys jalǵasyp jatyr.