Almatyda jas jigit meshit jamaǵatyn tonap júrgen, dep habarlaıdy Almaty-akshamy.kz Inform.kz-ke silteme jasap.
Bul tabys tizbegin 23 jastaǵy A. esimdi azamat oılap tapqan.
Ol meshitke kelip, uıyqtap jatqan adamdy kórip, ún-túnsiz qaltasynan qundy dúnıeniń bárin sýyryp alǵan.
– Medeý aýdandyq PB-ǵa qarasty polısıa bóliminiń kezekshi bólimine meshit aýmaǵynda uıaly telefon urlanǵany týraly aryz tústi. Kúdikti sol kúni ustaldy. Atalǵan derek boıynsha QR QK-niń 188-baby 1-bóligine sáıkes qylmystyq is qozǵaldy. Belgili bolǵandaı, ustalǵan azamat buǵan deıin de osyǵan uqsas qylmys jasaǵany úshin sotty bolǵan, – deıdi Medeý aýdandyq PB-ǵa qarasty polısıa bóliminiń bastyǵy Edilhan Baıǵaraev.
Polısıa qyzmetkerleri budan da kóp epızodtar bolýy múmkin ekenine senimdi.
Sondyqtan tártip saqshylary osy adamnyń áreketinen zardap shekkenderdiń bárin myna telefon nómirine habarlasýǵa shaqyrady: 254-48-72.