Eki tabany jaraqattanǵan
Qazir ań Almatydaǵy haıýanattar baǵynda bir aıǵa karantınge jabylǵan. Eshkimniń kirýine ruqsat joq. Veterınarlardyń aıtýynsha, qar barysy shamamen bir jarym, eki jasta. Anyǵy zerthanalyq saraptamadan keıin belgili bolady, dep habarlaıdy Almaty-akshamy.kz.
Oǵan qosa ań juqpaly aýrýlarǵa tekseriledi. Jabaıy jyrtqyshty 19 naýryz kúni Narynqol aýdanyna qarasty Sarybastaý aýylynyń malshylary kórip habar bergen. Keıin jyrtqysh Almatyǵa jetkizildi. Elimiz boıynsha 200-ge jýyq qar barysy bar. Sırek kezdesetin ań Qyzyl kitapqa engen, dep habarlady "Habar-24".
"Qazir jaǵdaıy jaman emes. Tek álsirep qalǵan bolýy kerek. Eki tabany jaraqattanǵan. Oǵan qorqatyn eshteńe joq. Jyrtqysh ańdarda ondaı bolyp turady. Tez jazylyp ketedi. Tolyq tekseristen ótedi. Eger barlyǵy jaqsy bolsa, jabaıy tabıǵatqa jiberiledi. Árıne, qar barysynyń túzde taý basynda júrgenine ne jetsin", - deıdi veterınar Vıtalıı Sachkov.
19 sáýirde Sarybastaý aýylynyń turǵyny mal jaıyp júrip, álsirep jatqan barysty taýyp alǵany habarlaǵan bolatyn.