Dúnıejúzilik densaýlyq saqtaý uıymyna - mereıli 50 jyl
Almaty qalasy Almaly aýdanyndaǵy 12 medısınalyq uıym arasynda jarys uıymdastyryldy, dep habarlaıdy Almaty-akshamy.kz.
Halyqaralyq meıirger kúni qarsańynda Almatyda medısına qyzmetkerleri arasynda kásibı baıqaý ótip jatyr. Óz mamandyǵy boıynsha úzdikterdiń bilimin, tájirıbesi men daǵdylaryn aldyńǵy qatarly maıtalman medbıkeler men sala ardagerleri kiretin quzyretti qazylar alqasy baǵalaıdy.
"Sizderge shyǵarmashylyq shabyt, joǵary mansap, bilim tileımin – bul úshin búginde barlyq jaǵdaı bar. Siz magıstr, ǵylym doktory bola alasyz, medısınanyń túrli salasyn damyta alasyz. Bıyl Dúnıejúzilik densaýlyq saqtaý uıymyna mereıli 50 jyl, búginde barlyq nazar MSAK-qa aýyp otyr. Sondyqtan da bolar, Densaýlyq saqtaý mınıstrliginiń baıqaýynda "Úzdik MSAK medbıkesi" nomınasıasy qyzylmen erekshelenip tur. Barlyq qatysýshylarǵa sáttilik tileımin, kim jeńimpaz bolatyny mańyzdy emes, tek jeńý emes, qatysý da mańyzdy. Búgin sizder úshin óz bilimińiz ben kásibı daǵdylaryńyzdy kórsetýge tamasha múmkindik týdy. Bıyl medbıkelik istiń negizin qalaǵan Florens Naıtıngeıl úshin de mereıli jyl, ol 200 jasqa tolar edi. Dúnıedegi keremet ári biregeı mamandyqtyń dúnıege kelýine biz oǵan qaryzdarmyz. Búgin medbıke isi salasynda ózin-ózi jetildirýge ári ósýge barlyq múmkindik bar", - dep atap ótti jarysqa qatysýshylar aldynda Almaty qalasy medbıke isin damytý jónindegi úılestirýshi Maııa Ababkova.
Búgingi jarys Almaty qalasy Almaly aýdanyndaǵy 12 medısınalyq uıym arasynda uıymdastyryldy. Bul – talapkerler úshin qalalyq jáne respýblıkalyq týrǵa deıingi aralyq kezeń. Baıqaýdyń qalalyq kezeńiniń qorytyndysy 28 sáýirde belgili bolady. Jeńimpazdar Almaty qalasyn respýblıkalyq deńgeıde qorǵaıdy.