LA-155/12 mekemesine esirtki laqtyrýǵa tyrysqan er adam 5-ten 10 jylǵa deıin bas bostandyǵynan aıyrylýy múmkin
Almaty oblysy boıynsha Qylmystyq-atqarý júıesi departamentine qarasty LA-155/12 qaýipsizdigi joǵary mekemesinde “marıhýana” esirtki zatyn aýmaqqa laqtyrý faktisiniń aldyn aldy, dep habarlaıdy Almaty-akshamy.kz
25 qyrkúıekte LA-155/12 mekemesiniń irgeles aýmaǵynda patrúldeý kezinde jedel bólimniń qyzmetkerleri jáne 3660 áskerı qyzmetshileri 21 jastaǵy Iý. esimdi azamatty ustady, ony jeke tekserý kezinde belgisiz jasyl tústi zaty bar skochpen oralǵan bir túıinshek tabyldy.
«Atalǵan fakti boıynsha Qapshaǵaı qalasynyń polısıa bóliminiń jedel tergeý toby shaqyryldy. Sot-hımıalyq saraptama nátıjeleri boıynsha pakette salmaǵy 48.75 gram “marıhýana” esirtki zaty ekeni belgili boldy. Iý.esimdi er adam ýaqytsha ustaý ızolátoryna qamaldy», – dep atap ótti Almaty oblysy boıynsha QAJD bastyǵynyń orynbasary Qanat Ashov.
Qazirgi ýaqytta tergeý is-sharalary júrgizilýde. Kúdikti QR Qylmystyq Kodeksiniń 297-babynyń 1-bóliginde kózdelgen esirtki zattaryn zańsyz jibergeni nemese ótkizgeni úshin 5 jyldan 10 jylǵa deıingi merzimge bas bostandyǵynan aıyrý jazasyn kútýde.