Temirtaýda 33 jastaǵy er adam zeınetkerdiń telefonyn zańsyz ıemdenip ketti
Temirtaýda alaıaq nesıe alýǵa kómektesemin degen jeleýmen zeınetkerdiń uıaly telefonyn alyp, qashyp ketken, dep habarlaıdy Almaty-akshamy.kz
Polisia.kz aqparatyna sáıkes, 4 qazanda 64 jastaǵy qala turǵynynan Qaraǵandy oblysy Temirtaý qalasynyń PB Shyǵys polısıa bólimine aryz túsken. Aryzdanǵan zeınetker belgisiz bireýdiń alaıaqtyq áreketteriniń qurbany bolǵanyn aıtty.
Anyqtalǵandaı, jábirlenýshi uıaly telefony arqyly nesıe rásimdeýdi josparlap, ózine senim uıalatqan beıtanys adamnan kómek suraǵan. Kúdikti jábirlenýshiniń uıaly telefonyn alyp, qashyp ketken. Keltirilgen shyǵyn 120 myń teńgeni qurady.
QR QK 190-baby (Alaıaqtyq) boıynsha qylmystyq is qozǵaldy. 13 qazanda jedel-izdestirý sharalary barysynda krımınaldyq polısıa qyzmetkerleri kúdikti – 33 jastaǵy er adamdy anyqtap, ustady. Ol qylmysyn moıyndap, qazirgi ýaqytta tergeý júrip jatyr.