Shuǵyl túrde ota jasaldy.
Otany Qarasaı kópsalaly aýdanaralyq aýrýhanasynyń hırýrg-dárigerleri jasady, dep habarlaıdy Almaty-akshamy.kz oblystyq densaýlyq saqtaý basqarmasynyń baspasóz qyzmetine silteme jasap.
Almaty oblysy Qarasaı aýdany shızofrenıamen aýyratyn 39 jastaǵy turǵynynyń ash isheginen uzyndyǵy 10 sm bolatyn barlyǵy 19 shege alynǵan. Naýqas shege jutyp qoıǵan soń, tek tórtinshi kúni ǵana dáriger kómegine júgingen. Shuǵyl túrde ota jasaldy, qazir onyń jaǵdaıy qalypty.
Byltyr 12 qyrkúıekte naýqas dál osylaı shege jutyp qoıyp, tek úshinshi kún degende dárigerlerge qaralǵan. Onyń aıtýynsha, ashýlanyp, osylaısha sýısıd jasamaq bolǵan. Ol kezde de uzyndyǵy 10 sm bolatyn 14 shegeni dárigerler alyp tastaǵan. Otadan soń naýqas qulan-taza saýyǵyp, aýrýhanadan shyǵarylǵan.