Qazaqstandyq 10 sportshy dopıng úshin sporttan shettetildi.
Bul týraly Qazaqstannyń Ulttyq dopıngke qarsy ortalyǵy málim etti, dep habarlaıdy Almaty-akshamy.kz Ulysmedia.kz-ke silteme jasap.
Tokıoda 2020 jyly ótken Olımpıada oıyndarynyń qola júldegeri Igor Sonnan metasteron synamasy tabyldy, sonyń saldarynan ol 8 jylǵa sporttan tys qaldy. Metasteron úshin aýyr atletter Alekseı Drozdov, Ablaı Áýelhanov, Iýlıa Potassova, Rýfına Chalkarova da 2026 jyldyń 28 naýryzyna deıin jarystarǵa qatysa almaıdy. Sondaı-aq taǵy bir aýyr atlet Karına Júnisbaeva kanrenon synamasy úshin 2024 jyldyń 21 qazanyna deıin sporttan shettetilgen edi. Jeńil atletter Aleksandr Savgýrov pen Ekaterına Grısaı oksaladron úshin 2025 jyldyń 26 qazanyna deıin sporttan shettetildi. Al taekvondo sheberi Jasúrbek Israılovtan meldonıı synamasy tabylyp, 2025 jyldyń 18 qarashasyna deıin sporttan tys qaldy.
Esterińizde bolsa, Qazaqstandyq aýyr atletter buǵan deıin de dopıng qoldanǵany úshin Olımpıada oıyndarynyń medaldarynan aıyrylyp qalǵan bolatyn.
Aıta keteıik, Tokıo Olımpıadasynda qazaqstandyq aýyr atlet, 2020 jylǵy Tokıoda ótken Olımpıada oıyndarynyń qola júldegeri Igor Son 61 kelige deıingi salmaq boıynsha qola medaldy jáne 2019 jylǵy álem chempıonatynyń kúmis júldesin enshilegen edi. 24 jastaǵy Igor Son óz karerasynda osyndaı jaǵdaıǵa ekinshi ret tap bolyp otyr.