Joba avtorlary 1 mln teńge qaıtarymsyz qarjy ıelendi
«Jańa bastamalar men múmkindikter». Almaty oblysynda úkimettik emes uıym ókilderi arasynda ótken baıqaýdyń jeńimpazdary anyqtaldy. Saıysqa áleýmettik baǵyttaǵy jobalar tústi. Olardyń arasynan úzdik shyqqan 10 jobanyń avtory marapattalyp, 1 mln teńge qaıtarymsyz qarjy ıelendi. Igi bastamany oblystyq İshki saıasat basqarmasy uıymdastyryp otyr, dep habarlaıdy Almaty-akshamy.kz Almaty.tv-ge silteme jasap.
Janat Medetqyzy – jeke kásipker. Qyz jasaýy jáne quraq kórpe tigýmen aınalysady. Qazir ózi sekildi 50 kóp balaly anany turaqty jumyspen qamtyp otyr. Ol búgingi baıqaýda jeńimpaz atandy. Endi qomaqty qarjyǵa kásibin keńeıtpek nıette.
– Ár ananyń qolynan tigin kele bermeıdi ǵoı. Sondyqtan aspazdyq jaqqa, basqa da jaqqa ıkemi bar analardy jumyspen qamtý maqsatynda seh ashyp jatyrmyz, – dedi jeke kásipker Janat Qaljanova
Oblys ákimdigi uıymdastyrǵan baıqaýǵa 30-ǵa jýyq úkimettik emes uıym ókilderi qatysqan. Olardyń arasynan 10 joba úzdik dep tanyldy. Komısıa músheleri usynylǵan bıznes-baǵdarlamalardyń qoǵamǵa tıimdi tusyn basshylyqqa ala otyryp taǵdaǵan.
– Osy úkimettik emes uıymdarda ádistemelik kómek kórsetý maqsatynda aqparttyq súıemeldik jumystar, sonymen qatar quqyqtyq kómek kórsetý maqsatynda ortalyq bar. Jańa bastamalardy qoldaý maqsatynda osy joba úshinshi ret uıymdastyrylyp otyr, – dedi İshki saıasat basqarmasynyń bas mamany Ulan Boranbaıuly.
Almaty oblysynda 370-ten astam úkimettik emes uıym bar. Onyń 100-i búginde túrli baǵytta belsendi jumys istep keledi. Oblystyq İshki saıasat basqarmasynyń mamandary izgi bastamany qoldaý aldaǵy ýaqytta da jalǵasatynyn aıtty.