Aldyn ala boljam boıynsha órttiń aýdany 1500 gektardy quraıdy
Abaı oblysynda órttiń taralýy tolyqtaı tyıylyp, órt oqshaýlandy. Órt sóndirý jumystary jekelegen ýchaskelerde júrgizilýde, dep habarlaıdy Almaty-akshamy.kz.
QR TJM baspasóz qyzmetiniń habarlaýynsha, qazirgi ýaqytta 3 ýchaskede órtti sóndirý jumystary júrgizilýde. Órttiń taralýy tolyǵymen toqtatyldy, órt sóndirý ottyqtyń ishindegi jekelegen oshaqtarda júrgiziledi. Jeldiń kúsheıýine baılanysty tuzdy kól aýdanyndaǵy úshinshi ýchaskede órt tómennen joǵaryǵa aýysty. Órtti sóndirý úshin 20 birlik tehnıka, jeke quramnan 64 adam jumyldyryldy.
"Órttiń taralýynyń aldyn alý maqsatynda mańaıdaǵy jerler jyrtyldy. Aldyn ala boljam boıynsha órttiń aýdany 1500 gektardy quraıdy. Berezovka sanatorııi (108 adam, 36 úı), Berezovka podhozy (169 adam, 53 úı) eldi mekenderine qaýip tónýde. Órt ornyna deıingi qashyqtyq - shamamen 5-7 km. Ol jerge 4 birlik tehnıka baǵyttaldy", - delingen habarlamada.
Orman órtin sóndirýge barlyǵy 100 birlik tehnıka (onyń ishinde 1 órt poezy) jáne 2 tikushaq, sondaı - aq 402 adam ("Semeı Ormany" MOTR-66 birlik tehnıkasyıa, 231 adamy, TJM 28 birlik tehnıkasy, 1 tikushaǵy, 144 adamy, QTJ 1 órt poezy, 10 adamy, JAO 5 birlik tehnıkasy, 7 adamy, Qazavıaormanqorǵaýdyń 1 tikushaǵy, 6 adam ekıpajy, 1 ÝAZ, 4 adam) jumyldyryldy.
"Sondaı-aq, orman órtin "Qazavıaqutqarý" AQ MI-873 jáne "Qazavıaqutqarý" sý aǵyzý qurylǵysy bar MI-8 tikushaqtary sóndirýde. Qazirgi ýaqytta 59 ret sý aǵyzyldy (157,5 tonna)",- delingen habarlamada.
TJM-de jáne Departamenttiń daǵdarys ortalyǵynda, sondaı-aq jergilikti jerde jedel shtabtar uıymdastyryldy. Jedel jeli telefondary jumys isteýde.