Almaty oblysynda aýmaǵy 6 gektar qarasora alqaby anyqtaldy, bul birneshe fýtbol alańyna teń, - dep habarlaıdy aqshamnews.kz tilshisi oblystyq prokýratýraǵa silteme jasap.
Vedomstvo málimetinshe, marıhýana alqaby Raıymbek aýdanyna qarasty Qyzylshekara aýylynda tabylǵan.
"6 gektar aýmaqta jabaıy qarasora alqaby anyqtalyp, arnaıy tehnıka kómegimen joıyldy. Bul operasıa esirtki quraldarynyń taralýyna jol bermeý jáne aýdandaǵy esirtki ahýalyn baqylaýdy kúsheıtý maqsatynda júrgizildi", – dep málimdedi prokýratýra.
Buǵan deıin Qazaqstanda ónerkásiptik maqsatta qarasora ósirýge ruqsat etiletini habarlanǵan bolatyn. Májilis tıisti zań jobasyn sáýirde birinshi oqylymda maquldaǵan. Esirtki bıznesine qarsy is-qımyl komıteti kásipkerlerge 4 lısenzıa bergen. İİM ókilderi halyqty alańdamaýǵa shaqyryp, quramynda tetragıdrokannabınol mólsheri tómen qarasoranyń marıhýanadan aıyrmashylyǵy bar ekenin aıtty.