Shymkentte qumar oıynǵa qunyǵyp, bás tikken 50 memlekettik qyzmetker jumysynan aıyrylýy múmkin. Olar bir jyl shinde býkmekerlik keńsege 400 mıllıon teńge utylǵan, - dep habarlaıdy Aqshamnews.kz tilshisi "KTK" telearnasyna silteme jasap.
Qısapsyz qarjynyń qumar oıynǵa ketip jatqanyn Shymkent prokýratýrasy anyqtady. Olar arnaıy taldaý kezinde lýdomanıa dertine shaldyqqan memlekettik qyzmetkerlerdiń tizimin jasaǵan. Zań boıynsha olardyń bás tigip kazınoǵa barýyna tyıym salynǵan. Sondyqtan qyzmette bolsa da qumaryn jeńe almaı júrgender shetinen jyly ornymen qoshtasady.
"Taldaý nátıjesi boıynsha jergilikti atqarýshy organǵa qadaǵalaý aktisi engizilip qaralyp jatyr. Ózgerister engizilgen zań talaptaryna sáıkes, ol jerde qyzmetkermen eńbek shartyn buzý tártibi qarastyrylǵan", - dedi Shymkent qalasy prokýratýrasynyń basqarma bastyǵynyń orynbasary Bekjan Qulataev.