Astanadaǵy qurylys alańdarynyń birinde kran qulap, kran júrgizýshisi qaza tapty. Aldyn ala málimet boıynsha, qaıǵyly oqıǵa keshe bolǵan, - dep habarlaıdy Aqshamnews.kz tilshisi.
"Keshe bolǵan oqıǵa. Ol daýylǵa qaramastan jumys istep jatqan. Aýyr jabyn plıtalaryn ornatyp jatqan. Otbasyndaǵy jalǵyz ul edi", - dedi derekkóz.
Sondaı-aq, marqumnyń jasy 30-da bolǵany, al otbasy Tashkentten Astanaǵa kóship kelgeni habarlandy.
Astana polısıasy kran mashınısiniń qaza tapqanyn rastap, tergeý bastalǵanyn aıtty. Polısıa málimetinshe, oqıǵa 18 shilde, juma kúni, shamamen saǵat 20:00-de bolǵan.
"Qurylys alańynda jumys júrgizý kezinde qurylys krany qulap tústi. Kabına ishinde bolǵan er adam alǵan jaraqattarynan oqıǵa ornynda kóz jumdy", - dep málimdedi departamenttiń baspasóz qyzmeti ókilderi.
Qurylys jumystary kezinde qaýipsizdik erejeleriniń buzylýyna baılanysty qylmystyq is qozǵaldy.
"Oqıǵanyń barlyq mán-jaıyn anyqtaý maqsatynda tergeý júrgizilip jatyr", - dep tolyqtyrdy polısıa.