Oblysta epıdemıologıalyq ahýal kúrdelilenip keledi.
Oǵan sońǵy táýlikte óńirdegi 24 turǵynnan «COVID-19» aýrýynyń belgileri anyqtalýy sebep bolǵan. Sóıtip, aımaq epıdemıologıalyq ahýaldyń kúrdelilenýi jaǵynan Nur-Cultan jáne Almaty qalasynan keıingi satyǵa ornalasty, dep habarlaıdy Almaty-akshamy.kz
İndet, ásirese, Qarasaı aýdanynda órship tur. Onda bir kúnde 16 adamnyń syrqattanǵany belgili boldy. Odan keıingi tizimde Balqash jáne İle, Talǵar aýdandary tur. Oblystyq sanıtarlyq-epıdemıologıalyq baqylaý departamentiniń málimetinshe naýqastardyń 36 prosenti 14 jasqa deıingi balalar. Qalǵany eresek adamdar.
«Sońǵy eki aptamen salystyrǵanda, Almaty oblysynda otyz jaǵdaıdan 119 jaǵdaıǵa deıin ósip otyr. Syrqattanǵandardyń qyryq paıyzǵa jýyǵy vaksınanyń eki kýrsyn alǵannan keıin qaıta revaksınasıa kýrsyna barmaǵandar nemese múlde ekpe almaǵandar bolyp otyr», - dedi oblystyq sanıtarlyq-epıdemıologıalyq baqylaý departamentiniń baspasóz hatshysy Álıa Shaǵıahmet.