Olar - Qazaqstan men Reseı azamattary.
Polıseıler ınternet-alaıaqtyq jasady degen kúdikke ilingen 15 adamnan turatyn qylmys tobyn ustady, dep habarlaıdy Almaty-akshamy.kz Polisia.kz saıtyna silteme jasap.
13-22 maýsym aralyǵynda páterin satqan Almaty turǵyny alaıaqtar aılasyna túsip qaldy. Ol satylymnan túsken 23 mıllıon teńgeni birneshe transhpen alaıaqtardyń esepshotyna aýdarǵan. Jábirlenýshi 24 maýsymda quqyq qorǵaý organdaryna júgingen.
Almaty qalasy PD Almaly aýdany polısıa basqarmasynyń deregine sáıkes, QR QK 190-baby 4-bóliginde («Asa iri mólsherdegi alaıaqtyq») kózdelgen qylmystyq quqyq buzýshylyq quramynyń belgileri boıynsha sotaldy tergeý bastaldy.
Sol kúni tergelip jatqan is aıasynda İİM Krımınaldyq polısıa departamenti men Almaty PD tájirıbeli qyzmetkerlerinen arnaıy jedel-tergeý toby quryldy. Jedel izdestirý jáne tergeý is-sharasy barysynda Qazaqstannyń túrli qalasynda turatyn jalǵan tulǵalarǵa rásimdelgen 10-ǵa jýyq bank kartasy paıdalanylǵany anyqtaldy.
QR İİM Kıberqylmyspen kúres basqarmasy jedel qyzmetkerleri Pavlodar oblysy jáne Almatydaǵy áriptesterimen birlesip, 15 adamnan turatyn qylmys tobyn ustady. Olar ınternet jelisinde alaıaqtyq jasady degen kúdikke ilinip, tutqyndaldy.
Qazir top músheleri ınternettegi alaıaqtyqtyń alty epızodyna qatysy bolýy múmkin ekeni anyqtaldy, keltirgen zalal quny 106 mıllıon teńgeden asady.