Sot sheshimimen 200 myń rúbl aıyppul tóleý mindetteldi.
Krasnodar óńirlik soty Kaspıı qubyr konsorsıýmynyń jumysyn toqtata turý jónindegi sheshimdi ózgertip, aıyppulǵa almastyrdy. Konsorsıýmǵa 200 myń rúbl aıyppul tóleý mindetteldi, dep habarlaıdy Almaty-akshamy.kz QazAqparatqa silteme jasap.
«200 myń rúbl aıyppul tóleýge ózgertilip, sheshimniń qalǵan bóligi ózgerissiz qaldyrylsyn», - degen Krasnodar óńirlik sotynyń sýdıasy.
Eske salsaq, Novorossııskiniń Prımorsk aýdandyq soty qujattyq zań buzýshylyqtar úshin «KTK-R» kompanıasynyń qyzmetin 30 táýlikke toqtatqan bolatyn.
QR Premer-Mınıstri Álıhan Smaıylov Kaspıı qubyr konsorsıýmy qyzmetiniń ýaqytsha toqtap qalýyna baılanysty jedel keńes ótkizdi.
Prezıdent Qasym-Jomart Toqaev munaı tasymaldaýda Transkaspıı baǵdaryn damytýdy tapsyrdy.
Keıin QR Energetıka mınıstrliginen Qazaqstan munaıy Kaspıı qubyr konsorsıýmynyń qubyr jelisi arqyly shtattyq rejımde eksporttalyp jatqanyn málim etti.