Halyqqa qaýip joq.
TJD oblystyń qazirgi ahýalynan habardar etti, dep habarlaıdy Almaty-akshamy.kz
Talǵar ózenindegi sý shyǵyny tómendedi. Ózende kezekshilik jáne monıtorıń jalǵasyp jatyr. Halyqqa qaýip joq.
21 shilde kúni Almaty oblysynda jaýyn-shashyn saldarynan sý deńgeıi kóterilgen edi. Talǵar ózeni boıyndaǵy Úlken polána ólsheý stansasynyń málimetinshe, bıik taýly aımaqtarda jaýǵan jaýyn-shashyn saldarynan Sol Talǵar ózenindegi sý deńgeıi sekýndyna 18 tekshe metrge kóterilgen.
Sonymen qatar 21 shildede saǵat 21:00-de Almaty oblysy TJD kezekshi bólimine Orman sharýashylyǵy qyzmetkerlerinen Eńbekshiqazaq aýdanyndaǵy Esik ózeniniń baseıninde sel aǵynynyń qalyptasýy saldarynan tas joldyń tósemi shaıylyp ketýine baılanysty ormanshynyń úıinde 9 adam demalýshy jáne 1 ormanshy jol qatynasynsyz qalǵany týraly habarlama kelip tústi.
Kúndiz olar ormanshynyń úıinde bolǵan, baılanys bolmady. Habarlama kelip túsken sátten bastap Almaty oblysy TJD Jedel-qutqarý jasaǵynyń jáne Respýblıkalyq jedel-qutqarý jasaǵynyń kúshteri men quraldarynan 11 adam men 3 birlik tehnnasy jumyldy. Jedel top quryldy. Jol tósemin sý shaıyp ótkendikten ol jerge jetýdiń jalǵyz múmkindigi jaıaý barý edi.
"Túni boıy qutqarýshylar 9 adamnan turatyn týrıser toby men orman sharýashylyǵy qyzmetkerin izdestirdi. 22 shildede saǵat 05:45-te Respýblıkalyq jedel-qutqarý jasaǵy men TJD izdestirý toby týrıser toby men orman sharýashylyǵy qyzmetkeri turǵan ormanshynyń úıine jaıaý jetti. Týrıserge medısınalyq jáne basqa kómek qajet emes. Týrıserdiń aıtýynsha, olar ormanshynyń úıinde birneshe kún bolýdy josparlap otyr", - dep habarlady Almaty oblysy TJD.
Jambyl aýdanynda taǵy bir izdestirý-qutqarý júrgizildi. 21 shildede saǵat 23:50-de Jambyl aýdanynyń Besmoınaq aýylynda TJD jáne QR TJM Respýblıkalyq jedel-qutqarý jasaǵynan 11 adam men 2 birlik tehnıka tórt adam izdestirdi. Ótinish berýshiniń sózinshe, olar 21 shilde kúni tańerteń Almatydan taýǵa shyǵyp ketken jáne baılanysqa shyqpady. Qutqarýshylar izdedi. 22 shildede tańerteń demalýshylar uıaly baılanys arnalary arqyly baılanysqa shyqty. Medısınalyq kómek qajet emes. İzdeý-qutqarý jumysy aıaqtaldy. Jaǵdaı turaqty.
Almaty oblysynyń TJD azamattardy aýa raıynyń ózgerýin baqylaýǵa jáne saqtyq sharalaryn saqtaýǵa shaqyrady.