Semınar-trenıngte Marat Sultanǵazıev týrızmdi damytýda BAQ-nyń mańyzy zor ekenin aıtty, dep habarlaıdy Almaty.aqshamy.kz
Týrızm ındýstrıasynda BAQ, jańa medıalar – áleýmettik jelilermen tyǵyz baılanysty.
“Jelige týrısik nysan týraly kóp aqparat tarasa, sonsha kóp adam kórip, týrısik oryndarǵa keledi degen sóz. Sondyqtan da týrızmdi damytýǵa sep bolatyn medıa quraldardy damytý mańyzdy”, - dedi Marat Sultanǵazıev.
Sonymen qatar ol týrızmdegi ınfraqurylym, qyzmet sapasyn kóterý syndy máselelerge de toqtalyp ótti. Bul máselelerdi sheshý baǵytynda Úkimettiń qoldaýy da joq emes.
“Almaty oblysynda kásipkerler týrısik nysandardy salsa, shyǵyndarynyń 10%-yn, jol boıyndaǵy servıstik nysandardy salsa 10%-yn, týrısik avtobýstar alsa 25%-yn qaıtarý mehanızmi qarastyrylǵan. Atalǵan jáne basqa da kóptegen máselelerdi sheshý qazirgi kúni ázirlenip jatqan óńirimizde týrızmdi damytýdyń Master-josparynyń aıasynda qarastyrylmaq. Búgingi shara jemisti bolsyn”, - dedi oblys ákimi.
Sharanyń uıymdastyrýshysy, Túrkitildes jýrnalıser qorynyń prezıdenti Názıa Joıamergenqyzy bolsa, álemdik týrızmniń pandemıadan keıin damyǵanyn tilge tıek etip, byltyrǵy kiris 1 trln AQSH dollarǵa jetkenin atap ótti.
«Almaty oblysy – qazaqtyń ejelgi ádet-ǵurpy, tarıhy, salt-dástúriniń eń basty damý mekeni. Sol sebepti forým bıyl osy jerde uıymdastyrylyp otyr. Tamyzda Antalıadan jýrnalıser kelip, óńir basshysynyń qoldaýymen bul jerde taǵy da aýqymdy shara ótedi. Onda týrızmdi damytý, ınvestısıa tartý sekildi máseleler qarastyrylatyn bolady. Shetelge shyǵý jaqsy,biraq, Qazaqstannyń da kórikti jerleri kóp, solardy áleýmettik jelide nasıhattap, ishki týrızmdi damytýǵa shaqyramyn», - dedi qor prezıdenti.
Budan keıin jýrnalıser ózderin qyzyqtyratyn suraqtaryn qoıyp, mınıstrmen, oblys ákimimen pikir almasty.
Semınar-trenıngtiń birinshi otyrysy Qazaqstandaǵy týrızm: damý keleshegi men múmkindigi taqyrybynda ótip jatyr
.