Barlyq mektepter qorǵanys quraldarymen qamtamasyz etildi.
Oblys pedagogtarynyń 99%-y vaksına saldyrdy. Bilim berý uıymdary kúrdeli epıdemıologıalyq jaǵdaıda dástúrli formatta oqytýǵa tolyq daıyn, dep habarlaıdy Almaty-akshamy.kz.
Bul týraly «Jetisy Media» alańynda ótken baspasóz-máslıhatynda Almaty oblysy ákiminiń orynbasary Batyrjan Baıjumanov málimdedi.
Belgili bolǵandaı, boljam boıynsha jańa oqý jylynda oqýshylar sany 440 myńǵa ósedi, birinshi synypqa 47 myń oqýshy qabyldanady.
«Barlyq mektepter qorǵanys quraldarymen qamtamasyz etildi, bul maqsatqa jergilikti búdjetten 200 mln.teńge bólindi. Barsha bilim berý nysandarynda «Ashyq» baǵdarlamasy engizildi», - dep atap ótti Batyrjan Baıjumanov.
Jańa oqý jylynda oblys mektepterinde halyqtyń áleýmettik osal toptarynan jáne az qamtylǵan otbasylardan shyqqan oqýshylardyń 100%-y tegin ystyq tamaqpen qamtamasyz etiledi.
«Kóp balaly jáne az qamtylǵan otbasylardan shyqqan 44 531 oqýshyny ystyq tamaqpen, mektep formasymen qamtamasyz etýge qosymsha 2,6 mlrd.teńge bólindi», - dep aıtty oblystyq bilim berý basqarmasy basshysynyń m. a. Jańyl Súleımenova.
Aıta keteıik, «Mektepke jol» aksıasy aıasynda 12 902 oqýshyǵa 122 mln. teńge kóleminde demeýshilik kómek kórsetildi. Bul baǵyttaǵy jumystar jalǵasýda. Memlekettik qoldaýdyń arqasynda aǵymdaǵy jyly oblysta 40 bilim berý nysanynyń, onyń ishinde 28 mekteptiń qurylysy júrgizilýde. Oqý jylynyń basynda 6 jańa mektep iske qosylady, jyl sońyna deıin taǵy 4 mektepti tapsyrý josparlanýda.