Tıisti ákimshilik materıaldar jınaldy. Avtokólik mamandandyrylǵan aıyppul turaǵyna ornatyldy.
Almaty polısıasy taǵy bir kólik buzaqysyn jazalady, dep habarlaıdy Almaty-akshamy.kz
Polisia.kz saıtyndaǵy málimet boıynsha, bul joly da quqyq buzýshynyń zańsyz áreketteri áleýmettik jelige shyqty jáne shara qoldanýǵa negiz boldy.
«Toyota Camry kóligin basqarǵan er adamnyń jeke basy anyqtaldy. Bul 21 jastaǵy S.esimdi azamat. Onyń is-áreketterinde JQE-niń 4-babynda QR ÁQbK-niń 601-baby 2-bólimi, QR ÁQbK-niń 606-baby 1-bólimi, QR ÁQbK-niń 595-baby 1-bólimi, QR ÁQbK-niń 603-baby 2-bóliminde kózdelgen óreskel buzýshylyqtyń belgileri bar. Tıisti ákimshilik materıaldar jınaldy. Avtokólik mamandandyrylǵan aıyppul turaǵyna ornatyldy, - dep habarlady, Almaty qalasy PD Jergilikti polısıa qyzmeti basqarmasynyń bastyǵy Manap Sattarov.
Almaty polısıasy joldarda mundaı is-áreketke jol berilmeıtini týraly da eske saldy.
«Patrúldik polısıanyń jeke quramy osyndaı júrgizýshilerdi anyqtaýǵa baǵyttalǵan, olardyń áreketteri basqalarǵa naqty qaýip tóndiredi. Mundaı qylmystyq áreket jasaǵan adamdarǵa qatysty eń qatań sharalar qoldanylady», - dedi Manap Sattarov.