Búgin Týrızm kúnine oraı, Almatyda qalanyń mańyzdy murajaılaryn aralaý maqsatynda baspasóz týry uıymdastyryldy.
Bul shara Almaty qalasynyń Óńirlik komýnıkasıalar qyzmeti, Almaty qalasynyń Mádenıet basqarmasy jáne Almaty Tourism Bureau birlese otyryp ótkizildi. «Almaty murajaılary: Tarıhqa saıahat» atty bul bastama qalanyń mádenı murasyn nasıhattaýǵa jáne biregeı eksponattarmen tanystyrýǵa baǵyttaldy, dep habarlaıdy aqshamnews.kz.
Pres-týrdyń alǵashqy núktesi Yqylas atyndaǵy mýzykalyq aspaptar murajaıy boldy. Jýrnalıser sırek kezdesetin halyqtyq mýzykalyq aspaptarmen tanysty, olardyń keıbiri birneshe ǵasyr buryn jasalǵan. Olardyń arasynda jelbýaz, adyrna, sherter, dombyra, qobyz, sybyzǵy sekildi aspaptar bar. Ekskýrsıa barysynda ártúrli aspaptardyń túrleri: daýylpaz, urmaly, shertpeli, úrmeli aspaptar týraly qyzyqty aqparat berildi. Arheologıalyq tabystar men Qazaqstannyń kóne mýzykalyq dástúrlerine erekshe nazar aýdaryldy.
Mýzeıdiń maqtanyshy — áıgili qazaq mýzykanttary men kompozıtorlarymen baılanysty biregeı eksponattar. Olardyń ishinde Qurmanǵazy Saǵyrbaıulynyń dombyrasy jáne XVİ ǵasyrda jasalǵan Jaras baqsynyń eń kóne qobyzy bar.
Odan ary pres-týr qatysýshylary D.A. Qonaev atyndaǵy murajaıda boldy, onda jýrnalıser memleket qaıratkeriniń jeke zattarymen, qoljazbalarymen jáne arhıvimen tanysty. Qonaevtyń alǵan marapattary men ordenderi de úlken qyzyǵýshylyq týdyrdy. Onyń 230 sharshy metrlik tórt bólmeli páterinde barlyǵy burynǵydaı saqtalǵan. Sondaı-aq murajaıda álemdik kóshbasshylardyń syılyqtary, 500-den astam sırek kezdesetin ottyq jınaǵy jáne kóptegen tilderdegi kitaptar usynylǵan.
Úshinshi nysan Ǵabıt Músirepov atyndaǵy ádebı-memorıaldyq murajaı boldy. Murajaıda jazýshynyń ómiri men shyǵarmashylyǵy týraly qyzyqty materıaldar usynylyp, qonaqtar «Qozy Kórpesh - Baıan sulý» jáne «Aqan seri - Aqtoty» sıaqty spektáklderdiń úzindilerin kınozalda tamashalady.
Týrdyń sońǵy núktesi Almaty qalasynyń Tarıh murajaıy boldy. Bul jerde qalanyń qalyptasýy men damýyna arnalǵan eksponattar kórsetildi. Arheologıalyq tabystar, turmystyq zattar, eski kartalar men qujattar, sondaı-aq qalanyń tarıhyn beıneleıtin kórmeler usynyldy.
Pres-týrdyń qorytyndysynda Almaty Tourism Bureau dırektory Kamılla Luqpanova jáne Almaty qalasy murajaılar birlestiginiń basshysy Lázzat Saǵyndyqova sóz sóıledi. Kamılla Luqpanova Almatynyń týrızm salasynda sońǵy jetistikterimen bólisip, qalanyń týrısik áleýetin arttyrýǵa baǵyttalǵan jumystardy atap ótti. Ol Almatynyń ishki jáne halyqaralyq naryqta týrısik baǵyt retinde belsendi damyp kele jatqanyn jáne murajaılardyń bul úderiste mańyzdy ról atqaratynyn aıtty.
«Almaty ózin ishki naryqta ǵana emes, halyqaralyq naryqta da týrısik baǵyt retinde belsendi túrde tanytýda. İskerlik týrızmdi tartýǵa jáne halyqaralyq is-sharalardy uıymdastyrýǵa erekshe nazar aýdarylady. Qala murajaılary biregeı mádenı jáne tarıhı ekspozısıalardy usyna otyryp, týrısik ónimdi qalyptastyrýda sheshýshi ról atqarady», - dep túsindirdi K.Luqpanova.
Almaty qalasy murajaılar birlestiginiń basshysy Lázzat Saǵyndyqova murajaılardyń ulttyq sanany qalyptastyrý men týrızmdi damytýdaǵy mańyzyn atap ótti. Sonymen qatar, ol Almaty ákimi Erbolat Dosaevtyń sheshimimen 2024 jyly Almaty murajaılarynyń mektep oqýshylary úshin tegin bolatynyn habarlady. Bul jańalyq BAQ betinde keńinen aıtylyp, habarlandy. Sonyń nátıjesinde jyl basynan beri murajaılardy 61 165 oqýshy tamashalaǵan, bul 2023 jylmen salystyrǵanda 150%-ǵa kóp.
Murajaılar birlestigi halyqaralyq deńgeıde belsendi jumys istep keledi. Onyń kórmeleri Seýl, Stambýl, Neapol, Vena jáne Praga qalalarynda úlken tabyspen ótken. Murajaı qyzmetkerleri Parıjdegi Ulttyq eskertkishter ortalyǵynda biliktilikterin arttyrdy. 2024 jyly Almaty murajaılary TÚRKSOI Mýzeıler qaýymdastyǵyna múshe bolyp, «Túrki áleminiń úzdik murajaıy» («Best Museum of the Turkic world») ataǵyna ıe boldy.
2024 jyly murajaı ımıjin ilgeriletý maqsatynda brendbýk jasaldy, oǵan birlestiktiń jańartylǵan logotıpi, onlaın bıletterdi satyp alýǵa bolatyn resmı saıt engizildi. Tamyz aıynan bastap qalanyń 11 metro stansıasy men 29 led-ekrandarynda jarnamalyq naýqan júrgizilýde.
Pres-týr baǵdarlamasynyń mazmuny baı ári joǵary deńgeıde uıymdastyrylǵany jýrnalıser tarapynan erekshe baǵalandy.