Prezıdent Maire Tecnimont kompanıasynyń Bas atqarýshy dırektory Alessandro Bernınıdi qabyldady
Áńgimelesý barysynda energetıka jáne munaı hımıasy salalaryndaǵy yntymaqtastyq perspektıvalary talqylandy, dep habarlaıdy almaty-akshamy.kz
Memleket basshysy kompanıanyń dekarbonızasıa jáne energetıkaǵa kóshý jónindegi jobalardy iske asyrý isinde mol tájirıbesi bar ekenin, sondaı-aq onyń 45 elde keń kólemde jumys istep jatqanyn atap ótti.
Prezıdenttiń aıtýynsha, Qazaqstan kómirqyshqyl gazynyń qaldyqtaryn aıtarlyqtaı azaıtýǵa jáne jasyl tehnologıalardy damytýǵa baǵyttalǵan Maire Tecnimont kompanıasynyń mańyzdy josparyna zor qyzyǵýshylyq tanytyp otyr. Sebebi elimiz Parıj kelisimi aıasynda 2060 jylǵa qaraı kómirtegi beıtaraptyǵyna qol jetkizý jóninde mindettemeler qabyldady jáne óndiriste úzdik tehnologıalardy engizýge umtylady.
Alessandro Bernını Qasym-Jomart Toqaevqa kompanıanyń álem boıynsha iske asyryp jáne ázirlep jatqan iri jobalary týraly málimet berdi. Sondaı-aq Qazaqstannyń energetıka sektoryn damytý jóninde óz usynystaryn aıtty.
Memleket basshysy kompanıanyń elimizde gaz-hımıa keshenin salýǵa qatysý nıetin oń baǵalady. Maire Tecnimont kompanıasymen Atyraý oblysyndaǵy gaz-hımıa kesheni qurylysynyń ekinshi kezeginiń polımerleý ýchaskesin jobalaý jónindegi shartqa ótken jyldyń sáýir aıynda qol qoıyldy.