Almaty ákimi Darhan Satybaldy Ulybrıtanıa jáne Soltústik Irlandıa Birikken Koróldiginiń Qazaqstan Respýblıkasyndaǵy Tótenshe jáne Ókiletti Elshisi Sallı Djeın Aksýorsımen kezdesti. Kezdesý barysynda taraptar saýda-ekonomıkalyq, bilim berý, týrısik jáne gýmanıtarlyq salalardaǵy áriptestikti keńeıtý jaıyn talqylady.
Darhan Satybaldy bıyl Qazaqstan men Ulybrıtanıa arasyndaǵy dıplomatıalyq qatynastardyń ornaǵanyna 33 jyl tolǵanyn atap ótti.
«Osy jyldar ishinde bizdiń memleketterimiz keń aýqymdy baǵyttar boıynsha berik dostyq jáne áriptestik baılanystar ornatty. Almaty elimizdiń iri iskerlik jáne mádenı ortalyǵy retinde ózara tıimdi yntymaqtastyqty odan ári damytýǵa múddeli», - dep atap ótti qala ákimi.
Bıyl qańtar–shilde aılarynda Almaty men Ulybrıtanıa arasyndaǵy taýar aınalymy 125,5 mln AQSH dollaryna jetti. Almatyǵa kelgen týrıser sany 2025 jyldyń birinshi jartyjyldyǵynda 1,1 mln adam boldy, bul byltyrǵy jartyjyldyqpen salystyrǵanda 6,5% - ǵa ósken.
Gýmanıtarlyq ózara is-qımyl týraly aıta kele, Darhan Satybaldy bilim berý salasyndaǵy yntymaqtastyqtyń mańyzdylyǵyn atap ótti.
«Ulybrıtanıa bilim berý salasyndaǵy mańyzdy seriktes bolyp qala beredi. Búginde 300-ge jýyq qazaqstandyq stýdent brıtan ýnıversıtetterinde «Bolashaq» baǵdarlamasy boıynsha bilim alýda, Almatyda British Council keńsesi tabysty jumys isteýde. 20 jyldan astam ýaqyt boıy Qazaqstan-Brıtan tehnıkalyq ýnıversıteti jumys istep keledi, al 2021 jyly de Montfort birinshi tolyq Brıtandyq ýnıversıteti ashyldy», - dep atap ótti ákim.
Kezdesý sońynda taraptar ekonomıkalyq jáne mádenı baılanystardy nyǵaıtý, sondaı-aq Almaty men Birikken Koróldik arasyndaǵy seriktestiktiń jańa formattaryn ilgeriletý boıynsha birlesken jumysty jalǵastyrýǵa daıyn ekendikterin aıtty.