"Bolashaq" halyqaralyq stıpendıasynyń sany qysqartylady. Bul týraly Ǵylym jáne joǵary bilim mınıstri Saıasat Nurbek Májilistegi parlamenttik tyńdaýdan keıin BAQ ókilderiniń suraǵyna bergen jaýabynda aıtty, - dep habarlaıdy aqshamnews.kz tilshisi.
Onyń aıtýynsha, kelesi jyldan bastap "Bolashaq" baǵdarlamasy aıasynda "qosdıplomdy" baǵdarlama iske qosylady.
"Bizdegi halyqaralyq seriktesteri bar ýnıversıtetterdi PhD jáne magıstratýranyń birlesken ǵylymı baǵdarlamalaryn qurýǵa yntalandyryp jatyrmyz. Nazarbaev ýnıversıtette alǵashqy split baǵdarlamasy iske qosyldy. Olar Londonnyń áıgili SOAS zertteý ýnıversıtetimen eki jyldyq magıstratýra baǵdarlamasyn bastady. Londonda 1 jyl, Qazaqstanda 1 jyl oqıdy. Iaǵnı, ekinshi bólim "Bolashaq" esebinen jabylady. Sondyqtan biz stıpendıalardyń sanyn qysqartamyz. Esesine kóptegen stýdentge osyndaı seriktestikter esebinen bilim alýǵa múmkindik beremiz", — dep túsindirdi mınıstr.