Syrym Sháriphanov órt sóndirýshilerdi órtti sóndirýde kórsetken erjúrektilik pen batyrlyq, joǵary kásibılik úshin alǵys bildirdi.
Tótenshe jaǵdaılar mınıstri Syrym Sháriphanovtyń ókimi boıynsha, Almaty jáne Qaraǵandy oblystary Tótenshe jaǵdaılar departamentteriniń kúshter men quraldar toptamalary turaqty jumys oryndaryna qaıtty, , dep habarlaıdy Almaty-akshamy.kz
Oqıǵa ornynda órt tolyq sóndirilgenge deıin oqshaýlanǵan órt oshaqtary oryndaryna turaqty túrde sý tógý, órttiń jıegin topyraqpen jabý jáne toltyrý júzege asady.
"Eldi mekenderge qaýip joq. Órt ýchaskelerinde ashyq janý joq. Tabıǵı órt ornynda odan ári qaraýyldaý jumysyn Ekologıa jáne tabıǵı resýrstar mınıstrliginiń orman órt stansıalary, TJM órt sóndirý bólimsheleri jáne áýe kemeleri qamtamasyz etedi", delingen QR Tótenshe jaǵdaılar mınıstrligi taratqan aqparatta.
Órt bastalǵaly beri barlyǵy 2 636 ret kólemi 7 747 tonna sý tógildi.
Eske sala keteıik, 15 maýsym saǵat 21:00-de áýeden barlaý jáne jedel jaǵdaıdy baǵalaý qorytyndysy boıynsha Abaı oblysyndaǵy Semeı ormany tabıǵı rezervatynyń aýmaǵyndaǵy tabıǵı órttiń oqshaýlanǵanyn jarıalandy.