2022 jyly Almatynyń turǵyn úı-kommýnaldyq sharýashylyǵyn damytýǵa 160 mlrd teńgeden astam qarjy jumsaldy
Turǵyn úı-kommýnaldyq sharýashylyq salasyna jalpy búdjettiń úlesinen 12,4% – 160,3 mlrd. teńge baǵyttaldy, 2021 jylmen salystyrǵanda ósim 3,6 mlrd.teńge nemese 2,3%-ǵa teń. Bul týraly qalalyq máslıhattyń VI sesıasynda Almaty qarjy basqarmasynyń basshysy Qanat Sýhambekov málimdedi, dep habarlaıdy almaty-akshamy.kz
Jastardy qoldaý aıasynda 2022 jyly búdjet qarajaty esebinen 469 páterlik 6 kópqabatty turǵyn úı paıdalanýǵa berildi.
Qalalyq áleýmettik ınfraqurylymnyń 27 nysanyna ınjenerlik jelilerdiń qurylysy aıaqtaldy.
Sýmen qamtý jáne sý burý júıesin damytý sheńberinde:
- Naýryzbaı aýdanynyń turǵyndaryn sýmen qamtamasyz etý úshin «Aqsaı» jáne «Qarǵaly» ózenderinde 2 sý jınaǵysh qurylysyn salý,
- «Qurylysshy» jáne «Ójet» sh/a-da 5 sorǵy beketin salý,
- «Qarasý», «Jas-Qanat», «Boraldaı», «Shańyraq-1», «Tómengi besjyldyq», «Áıgerim – 1,2», «Shýaqty», «Pervomaıka» sh/a magıstraldyq jáne taratý jelilerin salý.