17-23 shilde aralyǵynda Qaraǵandy oblysynyń «Spassk» oqý ortalyǵynda jyl saıynǵy «Aıbyn» jastar jıyny ótedi, dep habarlaıdy Almaty-akshamy.kz.
Vedomstvonyń aqparatyna boıynsha, oqý ortalyǵynyń aýmaǵynda 43 komandadan turatyn 700-den astam jasóspirimder men oqýshylar úshin shatyrly lager ashylǵan.
İs-sharaǵa Qazaqstannyń barlyq óńirlerinen jastar jınalady. Oǵan Qarýly kúshterdiń, basqa da áskerler men áskerı quralymdardyń áskerı-patrıottyq klýbtarynyń, Saǵadat Nurmaǵambetov atyndaǵy áskerı kolejdiń, «Jas ulan» respýblıkalyq mektepteriniń, konkýrstyq irikteýden ótken oblystyq áskerı mektep-ınternattardyń tárbıelenýshileri qatysady. Bıylǵy jıynǵa alǵash ret Ázerbaıjan men Ózbekstannyń komandalary shaqyrylyp otyr. Baıqaýǵa 14-17 jas aralyǵyndaǵy balalar qatysady.
Baıqaý baǵdarlamasynda «Aıbyn daryny» zıatkerlik oıyny jáne «Kúshimiz – birlikte» áskerı-dalalyq taktıkalyq oıyny, «Aıbyn juldyzy» shyǵarmashylyq baıqaýy jáne Smart Sarbaz robototehnıka saıysy bar. Áskerı-sporttyq, áskerı-qoldanbaly sport túrleri jáne áskerılendirilgen estafeta boıynsha jarystar ótkizý úshin alańdar daıyndaldy.
Jıynda áskerı tehnıka kórmesi, fılmder kórsetilimi, murajaıdyń kóshpeli ekspozısıasy uıymdastyrylady. Balalardy sporttyq oıyndar, alaý janyndaǵy keshter men ınteraktıvti konsert kútedi. Baıqaýǵa qatysýshylar «Aıbyn – dostyq mekeni» saıabaǵyna aǵash otyrǵyzady. Tanymal adamdarmen, ardagerlermen, medıa tulǵalarmen kezdesýler ótedi.
«Aıbyn» halyqaralyq jıyny aıasynda «Birlik ordasy» kórmesi uıymdastyrylady. Onda Qazaqstan, Ázerbaıjan jáne Ózbekstannyń jas patrıottary óz halqynyń mádenı jetistikterin, úzdik dástúrleri men ádet-ǵuryptaryn kórsetetin bolady.