Almatyda balalardyń qaýipsizdigin prokýrorlar tekserýde.
Júrgizilgen tekserýler balalardyń qaýipsizdigi salasynda qabyldanyp jatqan sharalardyń jetkiliksizdigin kórsetti.
Oǵan aqparattyq qaýipsizdik salasyndaǵy jarty myńnan astam buzýshylyqtar, balalardy tasymaldaý jáne bilim berý mekemelerin qorǵaý erejeleriniń, sanıtarlyq jáne órtke qarsy normalardyń buzylýy, sondaı-aq oqýshylar arasynda býllıng faktileriniń anyqtalýy dálel.
Tekserýler nátıjesinde 10 sotqa deıingi tergep-tekserý bastaldy, shamamen 60 mln. teńge óteldi, 67 qadaǵalaý aktisi engizildi jáne 100-den astam adam ákimshilik jaýapkershilikke tartyldy, dep habarlaıdy Almaty-akshamy.kz Almaty qalasynyń prokýratýrasyna silteme jasap.
Budan basqa, quqyq buzýshylyqtarǵa jedel den qoıý maqsatynda, onyń ishinde oqýshylar arasyndaǵy býllıngke qatysty, oqýshylar nemese olardyń ata-analaryna onlaın rejımde qalalyq prokýratýraǵa tikeleı júginýge múmkindik beretin "QR-kod" ázirlendi.
Mektep psıhologtarynyń biliktiligin arttyrý maqsatynda qala prokýratýrasy "NGS" Jańa Býyn Mektebi alańynda memlekettik mektepterdegi barlyq psıhologtardyń, kámeletke tolmaǵandardyń isteri jónindegi ýchaskelik ınspektorlardyń jáne bilim basqarmasy ókilderiniń qatysýymen semınar uıymdastyrdy.
Sonymen qatar prokýrorlar 330 mln. teńgeden astam somaǵa búdjet qarajaty urlanǵanyn anyqtady.
Mysaly, Bostandyq aýdanynyń prokýratýrasy mektepterdiń birinde jalaqyǵa arnalǵan búdjet qarajatyn, bas býhgalterdiń urlaǵanyn anyqtady.
Atalǵan quqyq buzýshylyq memleketke 160 mln.teńge zalal keltire otyryp, mekteptiń jumys istemeıtin qyzmetkerlerine jáne óziniń jaqyn týystaryna aqsha qarajatyn aýdarý jolymen jasalǵan.
Osyǵan uqsas urlyq faktilerin Medeý, Almaly, Túrksib jáne Alataý aýdandarynyń prokýrorlary anyqtady.
Sotqa deıingi tergep-tekserý amaldary júrgizilýde.