Áıelderdi turmystyq zorlyq-zombylyqtan qorǵaý polısıa bólimshesiniń qurylǵanyna - 25 jyl.
Osy kúnge oraı Almaty qalalyq polısıa departamentiniń bastyǵy Arystanǵanı Zapparov qyzmette erekshe kózge túsken ınspektorlardy marapattady.
«Bul bólimshe qyzmetkerleriniń basty mindetteriniń biri – áıelderdiń konstıtýsıalyq quqyqtary men bostandyqtaryn qorǵaý, turmystyq zorlyq-zombylyqtyń aldyn alý, áıelderge qatysty zańsyz áreketterdiń jolyn kesý. Polısıa qyzmetiniń bul salasy Memleket basshysy Qasym-Jomart Toqaevtyń erekshe baqylaýynda. Turmystyq zorlyq-zombylyq úshin jazalar qataıtylyp, ony anyqtaýdyń nysandary men ádisteri jetildirildi. Sonymen qatar QR Prezıdentiniń tapsyrmasy boıynsha ishki ister organy júıesinde turmystyq zorlyq-zombylyqqa qarsy mamandandyrylǵan qyzmet qurylady. Almatyda qosymsha shtat bólinip, bólimsheniń materıaldyq-tehnıkalyq jaraqtandyrylýy qamtamasyz etildi», – dedi Arystanǵanı Zapparov.
Sondaı-aq spıker, áriptesterin ataýly merekelerimen quttyqtap, qyzmettik boryshyn janqıarlyqpen jáne abyroımen atqarýǵa shaqyrdy.
«Biz óskeleń urpaqqa qoǵamdaǵy jáne otbasyndaǵy minez-qulyqtyń durys úlgisin kórsetýge mindettimiz. Endeshe, jastardy tárbıeleýde qandaı úlgi-ónege basym bolatynyn bizdiń jumysymyzdyń sapasy anyqtaıdy», – dedi Almaty qalasynyń bas polıseıi.