Almaty polısıasy óz qyzmetkerlerin qalaı baqylaıdy
Almaty polısıasy óz qyzmetkerlerin qalaı baqylaıtyndyǵy týraly aıtty, dep habarlaıdy Almaty-akshamy.kz Polisia.kz-ke silteme jasap.
Qyzmettik modeldi engizý, “Polısıa jaqyn mańda” qaǵıdatyn, sondaı-aq Memleket basshysynyń polısıa ǵımaratynda, qalalyq PD-de úzdiksiz beınebaqylaý júıesin engizý týraly tapsyrmasy boıynsha konsýltatıvtik-keńesshi organnyń, BAQ ókilderi men blogerlerdiń qatysýymen kirispe tusaýkeser ótti.
«Búgingi tańda Almaty qalasy polısıasynyń ákimshilik ǵımarattarynda 420 beınebaqylaý kameralary ornatyldy, olardyń kópshiligi tergeý áreketteri júrgizilip, azamattarmen jumys júrgiziletin tergeýshiler, anyqtaýshylar jáne krımınaldyq polısıa qyzmetkerleriniń kabınetterinde ornalasqan. Siz qazir kórip otyrǵanyńyzdaı, naqty ýaqyt rejıminde jaǵdaıdy baqylaı alasyz. Bul beınebaqylaý kameralarynyń derekteri jazylady jáne qajet bolǵan jaǵdaıda muraǵattan suraýǵa bolady. Jaqyn arada ákimshilik qamaýǵa alynǵandarǵa jáne jeke basyn kýálandyratyn qujattary joq tulǵalarǵa arnalǵan qabyldap–taratýdy da beınebaqylaý kameralarymen jabdyqtaý josparlanýda. Kelesi jyly barlyq ýchaskelik polısıa pýnktterinde beınekameralar ornatylady», – dedi Almaty qalalyq Polısıa departamentiniń basshysy Qanat Taımerdenov.
Sondaı-aq spıker búgingi tańda 42 stasıonarlyq modýldyq postta ornatylǵan beınebaqylaý júıesi arqyly polısıa qyzmetkerleriniń jumysyn taldaýǵa múmkindigi bar ekenin, jáne jyl sońyna deıin taǵy jeteýin ornatý josparda ekendigin aıtty.