Qalanyń 313 mektebinde oqý jylynyń aıaqtalýyna oraı saltanatty jıyndar ótti. Bıylǵy jyly mektepterdi 14 myńnan astam túlek bitirdi, onyń ishinde 424 oqýshy «Altyn belgige», 975 oqýshy úzdik atestatqa úmitker, dep habarlaıdy almaty-akshamy.kz
Bıyl 5 maýsym men 30 tamyz aralyǵynda oqýshylarǵa qosymsha bilim berý uıymdastyrylady. Bilim berý sapasyn arttyrý maqsatynda seksıalar, klýbtar, úıirmeler, eńbek toptary, ekskýrsıalar jáne t.b. sharalar qarastyrylǵan.
9, 11 synyp oqýshylarynyń qorytyndy memlekettik emtıhandary bekitilgen kestege sáıkes ótkiziledi. 9-synyptarda 2-13 maýsym aralyǵynda, 11-synyptarda 5-19 maýsym aralyǵynda. 11-synyp túlekteri Qazaqstan tarıhy boıynsha emtıhandy aýyzsha tapsyrady.
Eske salsaq, UBT jylyna 4 ret (qańtar-aqpan, naýryz, mamyr-shilde, tamyz) ótkiziledi. Talapkerlerge Ulttyq biryńǵaı testileý tapsyrýǵa jáne grantqa túsýge eki múmkindik beriledi. Eki múmkindikte de beıindik pánderdiń bir ǵana kombınasıasyn tańdaýǵa bolady. Ulttyq biryńǵaı testileý Ál-Farabı atyndaǵy QazUÝ-da 18 mamyrdan bastalyp, 5 shildede aıaqtalady.
