«Almaty marafonynyń» bastalýyna 16 kún qaldy
Eldegi epıdemıologıalyq jaǵdaıǵa baılanysty, dástúrli túrde 14 qyrkúıekte ótetin «Almaty marafony» bıyl 26 qyrkúıekke aýystyryldy, dep habarlaıdy Almaty-akshamy.kz.
«Birinshi bolý batyldyq» korporatıvtik qorynyń uıymdastyrýmen ótip kele jatqan marafonǵa bıyl - 10 jyl. Osy marafonǵa myńdaǵan adam «Birinshi bolý - batyldyq» degen uranmen qatysqan bolatyn.
Marafonǵa qatysatyndar 10 shaqyrym, skandınav júrisimen 10 shaqyrym, 21,1 shaqyrym, 42,2 shaqyrym jáne ekıden komandalyq estafetasy qashyqtyqtary boıynsha júgiredi.
10 shaqyrym boıynsha júgirýge 15 jyldan bergi tájirıbesi bar sportshylar qatysa alady. Bul qashyqtyqta júgirgen jeńimpazdar men júldegerler gramotalar men syılyqtarǵa ıe bolady. Bul aralyqta júgirýge qatysý quny - 7000 teńge.
Skandınav júrisimen 10 shaqyrymdyq saıysqa 15 jyldyq tájirıbesi bar sportshylar qatysa alady. Bul qashyqtyqty ıgerýdegi basty talap - 10 km aralyqty skandınav júrisine arnalǵan taıaqpen baǵyndyrý kerek. Bul qashyqtyqta qatysqandarǵa marapat qarastyrylmaǵan. Qatysý baǵasy - 7000 teńge.
21,1 kılometr bolatyn qashyqtyq boıynsha jasy 18-den asqan sportshylar júgiredi. Jeńimpazdar men júldegerler aqshalaı syılyqtar, medaldar, maqtaý qaǵazdary men syılyqtarmen marapattalady. Bul aralyqta júgirý úshin qatysý baǵasy - 8000 teńge.
42,2 shaqyrymdyq qashyqtyqta 18-den asqan sportshylar qatysa alady. Bul aralyq boıynsha qatysqan jeńimpazdar men júldegerler medaldar, kýboktar, gramotalar men syılyqtarǵa ıe bolady. Qatysý baǵasy - 9000 teńge
Ekıden komandalyq estafetasyna 6 adamnan top, jastary 16-dan asqan áýesqoı sportshylar qatysa alady. Bul aralyqta júgirgen jeńimpazdar men júldegerler de medaldar, kýboktar, gramotalar jáne syılyqtarmen marapattalady. Baǵasy - 150000 teńge.
«Almaty marafony» 26 qyrkúıek kúni Respýblıka alańynan saǵat 07:30 kezinde bastalady. Marafonǵa qatysty ózge de suraqtardy tolyǵyraq almaty-marathon.kz saıtynan bilýge bolady.