QR TJM "SOME" seısmıkalyq stansıalar jelisi 2022 jylǵy 13 qyrkúıek kúni Almaty ýaqytymen saǵat 18:44-te jer silkinisin tirkedi, dep habarlaıdy Almaty-akshamy.kz.
Almaty oblysy TJD-niń málimetinshe, jer silkinisiniń epısentri Almaty qalasynan batysqa qaraı 90 km jerde Almaty oblysy Enbekshiqazaq aýdanynyń aýmaǵynda (Qaraturyq aýylynan 30 km qashyqtyqta) ornalasqan.
«Jer silkinisiniń energetıkalyq klasy 8.7. MPV magnıtýdasy 4.3. Epısentrdiń koordınattary 43.43° s.e. 77.97° sh.b. Tereńdigi 20km. Seziletindigi týraly málimetter (MЅK-64 shkalasy boıynsha): joq»,-delingen habarlamada.
Almaty oblysy TJ Departamenti aqparatty alǵannan keıin jergilikti atqarýshy organdardy, Polısıa Departamentin, Qazseldenqorǵaý, prokýratýra jáne basqa da uıymdardy habardar etken, senip tapsyrylǵan aýmaqtardaǵy jaǵdaı naqtylanýda, qıraýlar men qurbandar týraly habarlamalar túspegen.
Almaty oblysynyń TJD jer silkinisi kezindegi áreketterdiń tártibi týraly eskertedi:
- ǵımarattan shyǵyńyz (sizdiń ıeligińizde 15-20 sekýnd);
- joǵarǵy qabattarda qalǵan jaǵdaıda balany qushaqtap alyp, esik oıyǵynyń ornyna nemese irgeli qabyrǵalardan quralǵan buryshta oryn alyp turyńyz;
- eshqandaı jaǵdaıda tereze janynda turmańyz jáne balkondardan sekirmeńiz.
- ǵımarattardan, qurylystardan, baǵanalar men qorshaýlardan alystap turyńyz;
- úıge kirmeńiz: dúmpýler qaıtalanýy múmkin;
- jedelsatyny paıdalanbańyz;
- sirińke, sham jaǵýǵa bolmaıdy;
- symdarǵa qol tıgizbeńiz;
- zardap shekkenderge alǵashqy kómek kórsetińiz.