Bıyl almatylyq qutqarýshylar 1,8 myń órtti joıý jumystaryn júzege asyrdy
Áýezov aýdanyndaǵy bes qabatty úıdiń qabyrǵasynda órt sóndirýshi-qutqarýshy beınelengen mýral paıda boldy, dep habarlaıdy Almaty-akshamy.kz.
"Halyqtyq qatysý búdjeti-2022" baǵdarlamasyn iske asyrý, sondaı-aq jıilep ketken tabıǵı órtterdi aldyn alý sharalary aıasynda Áýezov aýdany ákiminiń apparaty Almaty qalasy TJ Basqarmasymen birlesip taqyryptyq mýral beıneleý týraly sheshim qabyldady.
Osy jyldyń 8 aıynda ǵana almatylyq qutqarýshylar 1,8 myń órtti joıý jumystaryn júzege asyrdy, TJ oryndarynan 327 adam evakýasıalandy, órt kezinde jáne qalanyń sý aıdyndarynda 144 adam ómirin saqtap qaldy, onyń ishinde 17 bala!
Órt sóndirýshi-qutqarýshy beınelengen monýmentaldy keskindeme obektisi Shalápın men Saın kósheleriniń qıylysyndaǵy bes qabatty úıdiń qasbetin bezendirdi.
«Kompozısıada erlik pen batyldyqtyń sımvoly bolyp tabylatyn órt apatymen kúresetin qazaq batyrynyń beınesi basty oryn aldy. Mýral-kún saıyn óz ómirin qaterge tigip, azamattardyń qaýipsizdigin qamtamasyz etetin órt sóndirýshi - qutqarýshylardyń eren eńbeginiń aıqyn nyshanyna aınaldy»,-deıdi Almaty TJD-ti.
Muraldy qurý ıdeıasy-halyqtyń nazaryn órt qaýipsizdigi erejelerin saqtaýǵa aýdarý, qoǵamda tirshilik qaýipsizdigi mádenıetin qalyptastyrý, órt sóndirýshi-qutqarýshy mamandyǵynyń ımıjin arttyrý.