QR Tótenshe jaǵdaılar mınıstrligine qarasty «Seısmologıalyq tájirıbe-ádistemelik ekspedısıasy» JSHS-nyń seısmıkalyq stansalar jelisi 6 qazan kúni saǵat 00.43-te jer silkinisin tirkedi, dep habarlaıdy Almaty-akshamy.kz.
Jerasty dúmpýiniń oshaǵy Almaty qalasynan ońtústik-shyǵysqa qaraı 212 shaqyrym jerde, Qyrǵyzstan aýmaǵynda ornalasty.
Energetıkalyq sanaty – 9.9. MPV magnıtýdasy – 4.2. Epısentr koordınattary – 42.00° s.e. 79.93° sh.b. Tereńdigi – 15 shaqyrym. MSK-64 baǵany boıynsha terbelistiń sezilýi týraly málimet túspegen.
Eske salaıyq, 1 qazanda almatylyqtar jer silkinisin sezingen bolatyn. Jerasty dúmpýi túngi saǵat 03:30-da tirkeldi.
«Zaqym bolǵan nemese qıraǵan jaǵdaı baıqalǵan joq, ahýal turaqty. «112» jáne «101» júıelerine turǵyndardan qońyraý túsken joq.
«Seısmologıalyq tájirıbe ádistemelik ekspedısıasy» MM seısmıkalyq stansıalar jelisiniń dereginshe, zilzala oshaǵy Almaty qalasynan ońtústikke qaraı 122 shaqyrym jerde Qyrǵyzstan jerinde ornalasty», – delingen edi Tótenshe jaǵdaılar departamentiniń málimetinde.