Qylmys týraly polısıaǵa Almaty qalasy Áýezov aýdanynyń turǵyny habarlaǵan.
Ol 8-yqshamaýdandaǵy úılerdiń biriniń aýlasynda kenetten janynan mopedpen adam ótip ketkenin aıtqan. Al kólik jaıaý júrginshimen qatarlasqanda belgisiz bireý telefondy julyp alyp ketken, dep habarlaıdy Almaty-akshamy.kz Polisia.kz-ke silteme jasap.
«Oqıǵa ornynan alys emes jerde oqıǵaǵa qatysy bar taǵy bir adam – satyp alýshy turdy. Kúdiktiler qamaýǵa alyndy. Bul – 21 jastaǵy J.esimdi azamat jáne 19 jastaǵy M.esimdi azamat. Urlanǵan telefondardy satyp alýshy da anyqtaldy, ol – 47 jastaǵy I.esimdi azamat. Oǵan qatysty QR QK-niń 196-baby boıynsha qylmystyq is tirkeldi. Al negizgi aıyptalýshylardyń áreketi QR QK-niń 191-baby 2-bóligimen saralanady. Kúdiktilerdiń buryn jasalǵan osyǵan uqsas qylmystarǵa qatysy bar-joǵy anyqtalýda», – dedi Áýezov aýdandyq PB-ǵa qarasty polısıa bóliminiń bastyǵy Edilhan Baıǵaraev.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.