Almaty qalasynyń ÓKQ brıfıńinde 2023 jyldyń 1 qańtarynan bastap zeınetaqy zańnamasyna engizilgen ózgerister týraly aıtyldy.
Almaty qalasynyń Eńbek jáne áleýmettik qorǵaý departamentiniń basshysy Asqar Aımaǵambetov ózgerister týraly aıtyp, ótken jyldy qorytyndylady, dep habarlaıdy Almaty-akshamy.kz.
"Jalpylama alǵanda, Eńbek jáne áleýmettik qorǵaý departamenti memlekettik qyzmetterdiń 14 túrin kórsetedi, onyń ishinde 13-i - zeınetaqy jáne áleýmettik tólemderdi taǵaıyndaý boıynsha.
2022 jyly barlyǵy 114 myńnan astam memlekettik qyzmet kórsetildi.
Departament memlekettik búdjet qarajaty esebinen 13 memlekettik qyzmet kórsetedi nemese 35-ten astam zeınetaqy jáne áleýmettik tólem túrlerin taǵaıyndaıdy.
Almaty qalasy boıynsha zeınetaqy men járdemaqy alýshylardyń jalpy sany - 360 myń adam, bul rette bir adam bir mezgilde túrli járdemaqylar men, árıne, zeınetaqylardy alýshy bola alatynyn eskerý qajet. Jalpy, bizde Almaty qalasy boıynsha jasy boıynsha 236 myń zeınetker jáne túrli járdemaqylar men tólemder alatyn 120 myńnan astam azamat bar.
2022 jyly 114 myń jańa tólem taǵaıyndaldy, onyń ishinde zeınetaqy men járdemaqylar boıynsha 91694 memlekettik qyzmet kórsetildi.
Mysaly, 10580 azamatqa jasyna baılanysty zeınetaqy, 11893 azamatqa bazalyq zeınetaqy tólemi taǵaıyndaldy, Almatynyń 3924 turǵynyna múgedektigi boıynsha járdemaqy,18-jasqa tolmaǵan múgedek balalardy tárbıelep otyrǵan 1200 ata-anaǵa járdemaqy, 38105 jańadan týylǵan balaǵa beriletin bala týylýyna jáne onyń bir jasqa deıin kútimine arnalǵan járdemaqylar, 4666 otbasyna kóp balaly otbasylarǵa járdemaqy jáne taǵyda basqa memlekettik járdemaqylar taǵaıyndaldy, - dedi spıker.
Asqar Aımaǵambetov QR «Qazaqstan Respýblıkasynyń keıbir zańnamalyq aktilerine memlekettik jastar saıasaty jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zańymen 2022 jylǵy 1 qyrkúıektegi Qazaqstan halqyna Joldaýynda QR Prezıdenti usynǵan birqatar áleýmettik sharalar kózdelgenin atap ótti.
Sharalardyń biri – áıelderdiń zeınetkerlik jasyn ósirmeý, ıaǵnı 2028 jylǵa deıin 61 jas dep belgileý.
Osylaısha, 2023 jyldan 2028 jylǵa deıin áıelderdiń zeınetkerlik jasy ózgermeıdi jáne 61 jasty quraıdy.
Sonymen birge, ártúrli áleýmettik tólemderdi esepteý kezinde paıdalanylatyn bazalyq kórsetkishter «2023-2025 jyldarǵa arnalǵan respýblıkalyq búdjet týraly» zańmen bekitildi. 2023 jylǵy 1 qańtardan bastap mynadaı kórsetkishter belgilendi:
– aılyq eseptik kórsetkish (AEK) 3450 teńgeni quraıdy;
– eń tómengi zeınetaqy – 53 076 teńge;
– bazalyq áleýmettik tólemderdiń mólsherin esepteý úshin eń tómengi kúnkóris deńgeıi (KD) – 40 567 teńge;
– eń tómengi jalaqy mólsheri – 70 000 teńge.
2023 jyly jańadan taǵaıyndalatyn zeınetaqy mólsherin esepteý úshin eskeriletin eń joǵary tabys 55 eselengen AEK-ten (189 750 teńge) aspaıtynyn atap ótken jón.
Bıyldan bastap, tıisinshe, joǵaryda atalǵan kórsetkishtermen baılanysty áleýmettik tólemder men memlekettik járdemaqylar ósti.
Jasy men eńbek sińirgen jyldary boıynsha zeınetaqy tólemderi 10,5 paıyzǵa ósti. Jasyna baılanysty zeınetaqy tólemderiniń mólsherin esepteý úshin eskeriletin eń joǵary tabystyń ulǵaıýyna baılanysty, eger olardyń ortasha aılyq tabysy jasyna baılanysty zeınetaqy tólemderiniń mólsheri 46 eselengen AEK esepteý kezinde shektelgen bolsa, 2023 jylǵy 1 qańtarǵa deıin shyqqan zeınetkerlerdiń zeınetaqy mólsheri ulǵaıtylady. Bul rette 55 AEK shegindegi kiristi negizge ala otyryp eseptelgen jasyna baılanysty zeınetaqy tólemderiniń mólsheri alynatyn mólsherden 10,5%-ǵa joǵary bolýy múmkin emes.
Orta tabysy 46 AEK-ten aspaǵan nemese zeınetaqysy burynǵy qoldanysta bolǵan zeınetaqy zańnamasy eskerile otyryp, burynnan taǵaıyndalǵan barlyq zeınetkerler úshin zeınetaqy tólemderiniń mólsheri 10,5 paıyzǵa ósti.
Jasyna baılanysty zeınetaqy tólemderine qosymsha memlekettik bazalyq zeınetaqy tólemi tólenedi, onyń mólsheri zeınetaqy júıesine qatysý ótiline baılanysty bolady. Zeınetaqy júıesine qatysý ótiline 1998 jylǵy 1 qańtarǵa deıin ázirlengen jumys ótiline jınaqtaýshy zeınetaqy júıesine qatysý ótili qosylady, ol jınaqtaýshy zeınetaqy qorlaryna nemese Biryńǵaı jınaqtaýshy zeınetaqy qoryna mindetti zeınetaqy jarnalaryn aýdarý kezeńdiligi boıynsha aıqyndalady.
2023 jyldyń qańtarynan bastap memlekettik bazalyq zeınetaqy mólsherin esepteý tártibi birshama ózgerdi. Eger buryn 0-den 10 jylǵa deıingi eńbek ótili bolǵan jaǵdaıda onyń mólsheri eń tómengi kúnkóris deńgeıiniń (KD) 54 paıyzyn qurasa, onda bıylǵy 1 qańtardan bastap bul paıyz 60-qa deıin kóterildi. 10 jyldan asatyn árbir tolyq jyl úshin memlekettik bazalyq zeınetaqy tóleminiń mólsheri eki paıyzǵa artady, biraq jalpy alǵanda 100 paıyzdan aspaıdy.
Máselen, jıyntyq jalpy ótili 25 jyl bolǵan jaǵdaıda memlekettik bazalyq zeınetaqynyń mólsheri 2023 jylǵy qańtardan bastap KD mólsheriniń 90%-yn quraıdy (buryn qoldanysta bolǵan normalar boıynsha 84% edi).
Al 30 jyl jáne odan joǵary bolǵan jaǵdaıda memlekettik bazalyq zeınetaqy tóleminiń mólsheri 2023 jylǵy qańtardan bastap eń tómengi kúnkóris deńgeıiniń 100 paıyzy mólsherinde esepteletin bolady.