Almatyda kóktaıǵaqty boldyrmaý úshin 1,5 myń tonnadan astam kóktaıǵaqqa qarsy materıaldar paıdalanyldy, dep habarlaıdy almaty-akshamy.kz Komýnaldyq ınfraqurylymdy damytý basqarmasyna silteme jasap.
29-30 jeltoqsan aralyǵynda Almaty qalasynda jańbyr men qar túrinde jaýyn-shashyn bastaldy. 30 jeltoqsanda saǵat 10.00-degi jaǵdaı boıynsha qalada 10 sm, qalanyń joǵarǵy bóliginde 20-25 sm, Shymbulaqta 40 sm-ge deıin qar jaýdy.
146 qum shashqysh kúshimen 1502 tonna kóktaıǵaqqa qarsy materıaldar sebildi.
Túngi saǵat 02.00-den bastap polısıanyń patrúldik mashınalarynyń jol bastap júrýimen on baǵanmen birge qar kúreý júrgizildi.
Taýly aýdandarda qar shyǵarý uıymdastyryldy. Saǵat 10:00-degi jaǵdaı boıynsha 370 m3 qar shyǵaryldy.
30 jeltoqsan saǵat 08.00-den bastap 410 birlik jáne 876 jumysshy jumyldyryldy.
Trotýarlardy, jalpy paıdalaný oryndaryn, qoǵamdyq kólik aıaldamalaryn, jer ústi ótkelderin tazalaýǵa erekshe nazar aýdaryldy.
Aýdan ákimdikterinde jumys óndirisin baqylaý boıynsha kezekshilik uıymdastyryldy.
"Qazgıdromet" RMK boljamy boıynsha búgin kúndiz aýa temperatýrasy shamamen 0°C bolady. 6 qańtarǵa deıin jaýyn-shashyn kútilmeıdi.