Jańa jyldyq mereke qarsańynda polısıa kúsheıtilgen jumys rejımine kóshti.
Osyǵan baılanysty ótkizilgen jedel keńeste İshki ister mınıstri qoǵamdyq tártipti saqtaý jáne azamattardyń tynyshtyǵyn qamtamasyz etý boıynsha qyzmetkerlerge birqatar mindet júktedi, dep habarlaıdy Almaty-akshamy.kz Polisia.kz saıtyna silteme jasap.
«Búginnen bastap erekshe buıryqqa deıin biz qyzmet kórsetýdiń kúsheıtilgen nusqasyna kóshemiz. Quqyqtyq tártip men azamattardyń qaýipsizdigin qamtamasyz etýdi, jaıaý narádtardyń sanyn kóbeıtýdi, shyrshalardyń saqtalýyna jaýaptylardy anyqtaýdy, quqyq buzýshylyqtardyń jolyn kesýdi, múldem tózbeýshilik pen jazanyń bultartpastyǵy qaǵıdatyn qamtamasyz etýdi tapsyramyn. Zańdylyq pen tártiptiń saqtalýyna erekshe nazar aýdarý qajet. Halyq pen qoǵamnyń talaby – kásibı bilikti jáne adal polısıa. Biz osy talapqa saı bolýymyz kerek», – dep atap ótti Erjan Sadenov.
Sonymen qatar keńeste jeke quramǵa elimizdiń barlyq óńirlerinde garnızondyq sap túzeý ótkizý tapsyryldy.