Kásipker usynǵan qujattar paketi bes kúntizbelik kún ishinde qaralady.
Bul týraly Almaty óńirlik komýnıkasıalar qyzmetiniń onlaın-brıfınginde qala ákiminiń orynbasary İlıas Óserov aıtyp berdi, dep habarlaıdy Almaty-akshamy.kz
Ol kásipker usynǵan qujattar paketi bes kúntizbelik kún ishinde qaralatynyn atap ótti.
Aldymen zardap shekken bıznes ókilderi ótinishti elektrondy nysanǵa jiberýi tıis «InfoKazakhstan.kz». Bul rette muny senimhat negizinde áreket etetin adamdarǵa jasaýǵa múmkindik bar.
İ. Óserovtyń aıtýynsha, ótinish berýshi kelesi qujattar paketin usynýy qajet:
- JK úshin – JK jeke basyn kýálandyratyn qujattyń kóshirmesi, JK talony.
- zańdy tulǵalar úshin – zańdy tulǵanyń memlekettik tirkelgenin rastaıtyn qujattyń kóshirmesi;
- múlikke menshik quqyǵyn nemese ózge de zattyq quqyqty rastaıtyn qujattar, sáıkestendirý qujattary;
- jyljymaıtyn múlik úshin
– búlingen múlikti qalpyna keltirýge arnalǵan shyǵystar smetasy;
- búlingen nemese joıylǵan jyljymaly múlik jáne (nemese) taýarlyq-materıaldyq qundylyqtar úshin – baǵalaý týraly esep;
- joǵalǵan (urlanǵan) taýar-materıaldyq qundylyqtar men jabdyqtar úshin – memlekettik kiris organdarynan, fıskaldyq derekter operatorlarynan ótken jylǵy aınalym somalary týraly málimetterdi suratýǵa jáne alýǵa kelisim;
- ózge de qujattar (foto jáne beınematerıaldar).
Almaty ákiminiń orynbasary kásipker usynǵan qujattar paketin óńirlik komısıa jáne/nemese qor komısıasy bes kúntizbelik kún ishinde qaraıtynyn atap ótti.