Múlik qunyn óteý mólsheri múlikti qalpyna keltirý úshin qajetti shyǵystar men arzandatý mólsherin negizge ala otyryp aıqyndalady.
Almaty ákiminiń orynbasary İlıas Óserov Óńirlik komýnıkasıalar qyzmetiniń brıfıńinde qańtardaǵy tártipsizdikterden zardap shekken shaǵyn jáne orta bıznes ókilderine keltirilgen zalaldy qalaı óteıtinin egjeı-tegjeıli túsindirdi, dep habarlaıdy Almaty-akshamy.kz
Ákim orynbasarynyń aıtýynsha, zalaldy óteý joǵalǵan múliktiń qunyn tóleý nemese zardap shekken adamdarǵa tıesili búlingen múlikti qalpyna keltirý jumystary arqyly júzege asyrylady.
SHOB sýbektilerine keltirilgen shyǵyndy aıqyndaý jónindegi óńirlik komısıanyń nemese «Kúsh birlikte» qory komısıasynyń sheshimi óteý úshin negiz bolyp tabylady.
Joǵalǵan múliktiń quny memlekettik búdjetten jáne/nemese «Kúsh birlikte» qorynan óteledi, al mólsherin óńirlik komısıa jáne/nemese qordyń komısıasy aıqyndaıdy.
«Jergilikti atqarýshy organdar men qor qyzmetterdi kórsetý úshin baǵalaý jáne aýdıtorlyq kompanıalardyń tizbesin aldyn ala aıqyndaıdy jáne tizbeni ınternet-resýrsta ornalastyrady. Bul rette múlikke baǵalaý men aýdıt júrgizýge, smeta jasaýǵa jáne búlingen múlikti qalpyna keltirý shyǵyndaryn kálkýlásıalaýǵa baılanysty qyzmetterge aqy tóleý ákimdikke nemese qorǵa júkteledi», - dep atap ótti İ.Óserov.
Múlik qunyn óteý mólsheri múlikti qalpyna keltirý úshin qajetti shyǵystar men arzandatý mólsherin negizge ala otyryp aıqyndalady.
Almaty ákiminiń orynbasary jyljymaıtyn múlikti jóndeý shyǵyndaryn smetamen nemese ony qalpyna keltirý shyǵyndarynyń kálkýlásıasymen rastaý qajettigin atap ótti.
Kólikti aıdap áketý jaǵdaılaryna keletin bolsaq, olar 2022 jylǵy qańtardaǵy jekelegen óńirlerdegi tártipsizdikter nátıjesinde KO-ny joıýdyń dáleldengen faktilerin qospaǵanda, qylmystyq zańnama sheńberinde tergelýde.